هدى أمام محكمة الأسرة: «جوزي بيغير من أخواتي وبيسرقهم»
«جوزي بيغير من أخواتي في كل حاجة».. بهذا الكلمات حكيت «هدى» داخل محكمة الأسرة عن مأساتها مع زوجها الذي أعتاد علي سرقة أخوتها بدون علمهم لغيرته منهم ثم يطلب من زوجته أن تكتم علي الأمر حتى لا يفتضح أمره.
وقالت الزوجة في دعواه أمام محكمة الأسرة بمدينة نصر:« أنا وجوزي متجوزين من 7 سنين وعندنا ولدين جوزي كان شغال مدير في مطعم وعمل مشكلة مع زبون ومشوه من الشغل ومن ساعتها وهو قاعد في البيت ومش بيشتغل وبقي بيشرب كمان مخدرات.. وأنا عندي أخوات رجاله في نفس عمر جوزي ومتجوزين وعندهم أولاد ومرتاحين في بيوتهم وعندهم شركة كبيرة من تأسيسهم للأدوات المنزلية علاقتهم بجوزي على مدار الـ7 سنين جواز كانت كويسة جدا لحد ما جوزي ساب الشغل وبدأ يشرب من وقتها وهو بقي بيعمل تصرفات غريبة جدا خليتهم يتغيروا معاه ".
وأكملت «هدى» في دعواها أمام محكمة الأسرة:« جوزي في الوقت اللي قعد فيه من الشغل كان أخواتي بيحاولوا يساعدوه بأنهم يلاقوله شغل بديل للشغل الأولاني اللي هو سابه لكن هو كان يرفض لا وكمان كان كل شوية يستلف منهم فلوس عشان يجيب مخدرات ومكنش بيرجعهلم فلوسهم تاني ومش بس كده ده كمان كنا لما نروح نزورهم في بيوتهم وهو معايا كان يدخل أوضتهم ويفتح الدولاب ويسرق فلوس منها، أو أي حاجة يلاقيها في وشه ويفتح كمان تلاجتهم وياخد الأكل اللي فيها».
واختتمت الزوجة في دعواه :«كل شوية أخوتي يقولى ليا هو جاب الحاجة دي من فين، وبالفعل روحت سألت بس لما رد عليا اتصدمت لأنه قالي جايبهم من عند أخواتك لما بنكون عندهم، فقولت له أنا هفضحك قدام أخواتي ويقول لهم على الحقيقة كان بيخاف ويترعب وطلب مني لما يجو يزورونا أقوله عشان ينزل من البيت، وللأسف أخواتي عرفه كل حاجة، روحت المحكمة لرفع دعوى خلع لأنه رافض يطلقني».
اقرأ أيضًا: عاجل| 30 مصابا بينهم 24 سجينًا في انقلاب سيارة ترحيلات بمحور 26
