الرئيس السيسي: «بنشتغل ومش خايفين عشان ربنا معانا»

علق الرئيس عبد الفتاح السيسي، خلال حديث وزيرة التخطيط على توفير فرص عمل سنويًا بحجم مليون فرصة عمل قائلا: "كل سنة يدخل سوق العمل مليون شخص، محتاجين نوفر 3 ملايين فرصة عمل على مدار 3 سنوات"، موجها سؤاله لكل مواطن مصري "إزاي نوفر مليون فرصة عمل كل سنة؟ دا مش بسيط ومافيش دولة تقدر توفر فرص عمل بالشكل دا سنويًا".

وأضاف الرئيس السيسي: "هنقدر نوفر في 2030، ما يقرب من 8 ملايين فرصة عمل، الدولة مش سايبه قطاع مش بتشتغل فيه، الناس بتقول إن إحنا مهتمين بالطرق والكباري بس، لا دا اللي واضح قدام الناس بس إحنا شغالين في كل المجالات والقطاعات".

اقرأ أيضًا: وزيرة التخطيط: العالم شهد خلال الأعوام الأخيرة أزمات متتالية

وتابع الرئيس: "إحنا شغالين ولا نغفل أي قطاع اتصالات، صحة، تعليم، وبطلب من الإعلام أنهم يغطوا العمل دا كويس موضحًا أن كل الإنجازات موجودة على صفحات الوزارات".

وأردف الرئيس: "إحنا مش بنخاف لأن ربنا معانا، ومعانا ناس في مصر حريصة على بلدها.. كل إنسان في مصر مسؤول، بنحطكم في الصورة علشان تعرفوا أننا بنحاول نشتغل علة قد الإمكانات وأكثر".

واختتم الرئيس: "الحمد لله الدولة متماسكة رغم الأزمات الاقتصادية ، وربنا معانا".

وشارك الرئيس عبد الفتاح السيسي اليوم في افتتاح محور التعمير بالأسكندرية الذي يمتد بطول 35 كم من تقاطعه مع طريق القاهرة الأسكندرية الصحراوي، حتى طريق سيدي كرير مطار برج العرب بواقع 9 حارات مرورية، وافتتاح عدد من المشروعات القومية.