الرئيس السيسي: لازم تفكروا كويس أوي قبل ما تطلعوا الكلمة من لسانكم لأننا هنتحاسب عليها

أكد الرئيس عبد الفتاح السيسي، اليوم الخميس، أهمية الحفاظ على الكلمة لأنه سيتم الحساب عليها سواء من الناس أو الله أو التاريخ.

وقال الرئيس السيسي خلال كلمته فى افتتاح عدد من المشروعات التنموية بمحافظة سوهاج: "لازم تفكروا كويس أوي قبل ما تطلعوا الكلمة من لسانكم لأننا هنتحاسب عليها قدام الناس والتاريخ وربنا سبحانه وتعالى، اللي قبل مننا كانوا عايزين يعملوا بس مقدروش يعملوا كانوا بيحلموا وعايزين يعملوا لكن مفيش.. الرقم دة 7 تريليون ولا حاجة البلد دي عايزة 70 تريليون والمهم نتعلم ونشوف واللي نشوفه نفهمه.. بالمناسبة اللي اتعمل تشغيله بكام لو عملت مكتب بريد الناس اللى هتشتغل هتاخد كام وصيانته بكام وهكذا".

وأضاف الرئيس السيسي: "كأسرة واحدة يجب أن نتحدث معا حول حجم التحدي، وسبب المشكلة ليس فساد حكومة أو نظام إداري أو تهميش لأ ولكن هقولكوا حاجة بسيطة أعرف كويس يعني إيه قرش ويعني ايه دولة والدولة ممكن تبقى اد الدنيا بيكو وبأفكاركوا".

وتابع الرئيس السيسي موجها لحديثه للشباب: "من صندوق تحيا مصر حطوا أفكاركوا في موازنات وميزانية وفيه لجنة هتشرف وإن شاء الله نشوف تطبيق لغة الإشارة وكان لابد يكون معانا حد من لغة الإشارة في المناسبات دي".

اقرأ أيضًا: الرئيس السيسي يقبل رأس سيدة عجوز خلال زيارته لقرية أم دومة