هاجر أحمد: «أول أجر أخدته كان 30 جنيه»
تحدثت النجمة هاجر أحمد لأول مرة عن ابنتها وزوجها، وكيف دخلت المجال الفني وتطرق الحديث مه هاجر أحمد إلى فترة طفولتها.
تصريحات هاجر أحمد
"الطريق"، ترصد فيما يلي تصريحات هاجر أحمد عقب حلولها ضيفة في برنامج سهرانين، الذي يقدمه الفنان أمير كرارة عبر قناة on، وإليكم التفاصيل فيما يلي.
هاجر أحمد تتحدث عن ابنتها
بعمل لبنتي عيد ميلاد كل شهر، لأني بعتبر كل يوم بيمر معاها إنجاز، وبحمد ربنا إني صامدة لحد دلوقتي
كنت أتمنى اسميها إيزابيلا، وده عشان قدمت شخصية بنفس الاسم في مسرحية وكانت شخصية حلوة جدًا واتعلقت بيها، لكن جوزي رفض، وقالي شكلي هيكون إيه قدام الناس، وهو اللي اختار اسم غالية عشان يكون اسمها.
طفولة هاجر أحمد
فترة طفولتي كنت شقية جدا برة البي لكن في البيت هادية
كنا تسع أخوات وأنا أصغرهم والفرق بيني وبين أخويا الكبير 18 سنة
أهلي كانوا رافضين دخولي المجال الفني زي أي أهل وكانوا قلقانين من فكرة التصوير والأوقات الخاصة بيه، وكنت وقتها أصغر واحدة ومهما كبرت كانوا بيشوفوني طفلة صغيرة ولما وافقوا بقوا بينزل معايا حد من أخواتي
درست في كلية الآداب قسم علم النفس، وطول الوقت كان عندي رغبة أني عايزة أمثل، وقدمت بالفعل في معهد فنون مسرحية قبل دخولي الكلية بس اترفضت، وبعد ما دخلت الجامعة بسنة قدمت تاني لأني كنت بحب التمثيل من طفولتي.
قبل دخولي المدرسة لما بابا كان بيصلي في المسجد وياخدني معاه كانوا بيعملوا أنشطة وكنت بشارك فيها.
كنت مرتبطة بفيلم صغيرة على الحب جدًا، لأن السندريلا سعاد حسني كانت بتقدم أكتر من شخصية وكنت بشوف نفسي في الشخصيات دي.
بداية هاجر أحمد الفنية وأول أجر
أول مرة وقفت فيها قدام الكاميرا كنت بعمل دور للفنانة ميرفت أمين، وهي صغيرة وبتقابل الشحرورة صباح، وقلت وقتها جملة واحدة بس لكن فضلت أحفظ فيها طول النهار والليل ورغم كده اتلغبطت ومكنتش فاهمة حاجة
اقرأ أيضًا
”اللهم لا شماتة”.. أول تعليق من تامر حبيب لجمهوره بعد سخريتهم من دعمه لـ منة شلبي
أول أجر أخدته عن الدور ده كان 300 جنيه، وكان بالنسبة لي مبلغ كبير جدًا.
