ياسمين عز للفتيات: الراجل بيمشي قدامك وأنتوا خارجين عشان يأمنلك الطريق

كشفت الإعلامية ياسمين عز، سبب سير الرجل على مسافة بعيدة من زوجته، وعدم سيره بجانبها أثناء الخروج سويًا.

وقالت ياسمين عز، خلال برنامجها "كلام الناس"، المذاع على قناة إم بي سي مصر: "الراجل لما يكون خارج مع مراته مش بيمشي جمبها، بيسبقها، إيه اللي بيدايقك في الحركة دي".

وأضافت: "دي حركة تدل على عظمة الرجل، مفيش منه اتنين، هو بيعمل كده مش عشان مكسوف منك، أو في واحدة تانية بيكلمها، لكن بيعيشك جو المواكب الفرعونية، عشان بيأمنلك الطريق، يمكن في حفرة قدام هتقعي فيها".

وتابعت موجهة حديثها للسيدات: "أنا مش عارفه أنتي هتفضلي لحد امتى ظالمة الراجل كده".