ياسمين عز تنصح السيدات في العام الجديد: «متبقيش زنانة»

وجهت الإعلامية ياسمين عز، بعض النصائح إلى السيدات، بمناسبة العام الجديد؛ للحفاظ على تماسك وترابط الأسرة وإصلاح العِلاقة بينهما وبين الرجال، قائلة: "متبقيش زنانة وفتانة، ومتخليش سيرتكم لبانة".

وأضافت ياسمين عز، خلال تقديمها حلقة اليوم من برنامجها "كلام الناس" المُذاع عبر فضائية "إم بي سي مصر"، مساء اليوم السبت: "الحاجه تطلبيها من جوزك مرة واحدة فقط، لو جوزك عملها خلاص، ولو معملهاش تستني يومين وبعدين تفكريه وبلاش زن".

اقرأ أيضًا:«خوفت أخلف ومكانش ينفع أحج».. نجوى فؤاد تكشف أسرار عن حياتها لأول

وتابعت الإعلامية: "اللي بينك وبين جوزك ميطلعش بره حتى لو مامتك، واللي بينك وبين أي حد في الدنيا عادي تقوليه لجوزك، هو الفرعون الكبير مفيش أي سر يستخبى عليه".

وأردفت الإعلامية ياسمين عز: "بدل ما تفتشي في جيوب زوجك وتعرفي هو معاه أيه حطي له فيها بونبوناية أو ورقة فيها كلمة حلوة".