وفاء سالم: «انتهكوا طفولتي بقسوة.. وتعرضت للتحرش»
تصدر اسم الفنانة وفاء سالم الفترة الأخيرة مؤشرات البحث في "جوجل"، بسبب عمليات التجميل واعتزالها الفن ومؤخرا بسبب الاعتداء عليها منذ الطفولة.
نشرت الفنانة وفاء سالم فيديو عبر صفحتها الشخصية، حول قصة تعرضها للتحرش في طفولتها، وانتهاك براءتها بقسوة ووحشية.
انتهكوا طفولتي بقسوة.. وتعرضت للتحرش
وقالت خلال الفيديو: "وأنا صغيرة كنت بحب أقعد تحت ترابيزة السفرة، وكنت بلاقيهم كلهم قاعدين على الكراسي، وأنا قاعدة في المكان دا مبغيروش، وكله بياكل، وكنت بسمع صوت الحلل والأطباق والشوك والسكاكين وريحة الطعام، وأنا في دنيا تانية خالص، وكنت بفصل مع نفسي بمجرد ما بسمع بداية الحوارات، العالم بتاعي ملهوش دعوة بالعالم اللي فوق".
وأضافت: "كانوا بيعتبروني قطتهم السيامي اللي بيلعبوا بيها، ولما بيحضنوني كنت ببقى عايزة أزقهم، مش قادرة ومش مستحملة بسبب جسمي النحيل، ولما كانوا بيبوسوني كنت غصب عني بمسح البوسة من على خدي، وكانوا بيسألوني ليه بتمسحي البوسة.. أنتي مش بتحبينا؟، كنت بتكسف وأقول لا».
وأوضحت: "كانت بوستهم بتشوك خدي وريحة نفسهم بالسجائر كانت بتضايقني وببقى عايزة أهرب من كل الناس دي، وأكتر حاجة لسه فكراها لحد دلوقتي وكانت بتوجعني جدًا وعاملة جرح في قلبي إن بعض قرايبي كانوا بينتهكوا طفولتي البريئة بقسوة ووقاحة شديدة".
اعتزال وفاء سالم
نشرت الفنانة وفاء سالم فيديو عبر حسابها الشخصي قالت خلاله إنها قررت اعتزال المجال الفني والابتعاد عنه، لأسباب شخصية لم تفصح عنها، وشكرت كل أصدقائها الذين سألوا عليها في أزمتها الأخيرة.
اقرأ أيضا: بعد تصريحاتها المثيرة للجدل.. بدرية طلبة لياسمين عز: «إحنا ماشيين بالعلاج»
