الرئيس السيسي للمواطنين: «مبنخبيش حاجة عليكم»
قال الرئيس عبد الفتاح السيسي، خلال افتتاح المرحلة الثانية لمشروع سايلو فوودز: "مش عايزين نتكلم عن موضوع الأكل كده كتير في التلفزيون عشان ما يصحش، الحاجة موجودة وإحنا شفافين جدا معاكم وصادقين وبنقول للمواطن كل حاجة ومبنخبيش حاجة".
وتابع الرئيس: "لما بتقول موسم القمح وموسم القصب والبنجر وده معناه أن حتى لو أنت كمواطن شايف إن 4 ونص شهر للقمح كتير، فهذا يعني أن الإنتاج القادم سيسلم بعضه لبعض، ودا هيخلينا محافظين إنتاجنا على 6 شهور رغم أن ده هيكلفني كدولة أعباء مالية كبيرة وكلمة 6 شهور معناها أنا بحجز فلوس لمده 6 شهور يعني يشتري منتج وبدخله في المخازن وده اللي إحنا بنعمله".
وتابع السيسي: "ده بيكلف الدولة تكلفة كبيرة جدا لكن لا بأس إحنا مستمرين على موقفنا على الرغم من الظروف الاقتصادية الصعبة اللي بتقابلنا ولكن عايز أقول حتى لو تشوف إن أربعة شهور ونص كثير ده يعني أن الإنتاج القادم سيكون خلال شهور قليلة، قد تستغرق شهرين أو أكثر".
اقرأ أيضا: مواعيد تأخيرات القطارات على الاتجاهين القبلي والبحري
