عفاف شعيب: «شاب اتقدملي للزواج وأصغر مني بـ20 سنة»
حلت الممثلة المصرية عفاف شعيب، ضيفة في برنامج "العرافة"، مع الإعلامية بسمة وهبة، والمذاع عبر شاشة "المحور" الفضائية، حيث تطرقت للحديث عن حياتها الخاصة، وكشفت أنها لا تزال تتلقى كثيرا من عروض الزواج، إلا أنها ترفض هذه التجربة بحكم عمرها.
وقالت "شعيب: عرسان كتير بتتقدملي لحد دلوقتي، بس أنا رافضة، لأنه مينفعش اتجوز في السن ده"، متابعة: " أنا ونسي ربنا عز وجل، ومش محتاجة راجل علشان أعف نفسي، الله خير ونيس".
واستأنفت حديثها: "من كام سنة اتقدم لي شاب أصغر مني ب 20 سنة، وكان كل شوية بيبعتلي صوره وصور القصر اللى قاعد فيه وقالي اللي أنتي عايزاه وأنا تحت أمرك، فعملت له بلوك، وأنا ضد إن واحدة في سني تتجوز شاب".
عدم إنجابي ممكن يكون عقاب من ربنا
واعترفت الفنانة عفاف شعيب بمحاولات إجهاضها 3 مرات، قائلة "حملت 3 مرات، الأولى أجهضت بإرادتي، والمرتين الآخرين فقدت الحمل رغما عني"، متابعة: "ربنا عايزني أبقى لوحدي، أبقى له هو بس، وعدم إنجابي ممكن يكون عقاب من ربنا".
