تامر حبيب: «لبس الرجالة الحلق ثقافة لينا أكتر من الستات»

حل السيناريست تامر حبيب، ضيف برنامج "حبر سري" تقديم الإعلامية أسما إبراهيم، المذاع على قناة القاهرة والناس خلال شهر رمضان.

وكشف تامر حبيب، عن قيامه بخرم أذنيه وارتداءه حلق في الأذن، مضيفا: "وداني مخرومة وكنت لابس حلق ومش بلبسه كله يوم لكن لما بكون في حاجة لها علاقة بالظهور في التلفزيون أو الاعلام مش بلبسه عشان مبقاش مستفز للبعض".

أزمة حلق تامر حبيب

وتابع حبيب خلال استضافتة ببرنامج حبر سري: "في رجالة بتلبس حلقان في كل حتة في الدنيا ولبس الحلق ثقافة أكثر منه ترتديه السيدات، وأنا لما خرمت ودني كان في 2020 ومكنتش في مصر ولما وصلت البيت كان في شخص بيعمل معايا أفريقي ومكنش مستغرب من لبسي الحلق، وفي مصريين بيلبسوا حلقان ومش دوري أعمل للناس اللي يتقبلوه".

وفي وقت سابق واجه السيناريست تامر حبيب، انتقادات بالغة، بعد ظهوره في إحدى الحفلات على الريد كاربت، مرتديا "حلق".

ووجه تامر حبيب رسالة لمنتقديه من خلال فيديو، عبر فيسبوك، قائلًا:" كل واحد حر يعمل اللي هو عايزه، أنا اللي ليا ناس بقابلهم في حياتي، وفي الشارع لما يشوفوني بحس أني عزيز عليهم، وغالي على قلوبهم، وبيطلعوا بيا سابع سما، ربنا يشفي الجميع أعملهم إيه".