«مسلسلات الـ30 حلقة شيء مُضر للإنسانية».. أبرز تصريحات ”ماندو العدل” على نجوم إف إم

حل المخرج ماندو العدل ضيفًا في برنامج "نجوم رمضان أقربلك" تقديم الإعلامية إنجي علي، المذاع عبر راديو نجوم إف إم.

وتحدث ماندو خلال الحلقة عن نصيحة والده المنتج جمال العدل له والعمل مع نيللي كريم وريهام عبد الغفور ومحمد رمضان إلى جانب حديثه عن أعماله خلال الفترة القادمة.

وفي التقرير التالي نرصد لكم أبرز تصريحات ماندو العدل على راديو نجوم إف إم.

أكتر حاجة اتعلمتها من والدي هى التميز والاختلاف.

النجاح الكبير لفيلم البدلة، صاحب المقام كان مخاطرة كبيرة.

مفيش فن من غير حرية إبداع وده مش موجود في السينما حاليًا.

كان نفسي أشتغل مع أحمد زكي، وبحب فيلم زوجة رجل مهم والبرئ.

أستاذ عاطف الطيب قدوتي في الفن.

أمنية حياتي أقدم فيلم عن فرج فودة.

مكنتش متوقع نجاح فيلم البدلة بس اتفاجئت بالإيرادات.

الشكل اللي كان في ذهني لشخصية مسعود في مسلسل عملة نادرة كان لايق جدًا على أحمد عيد.

أحمد عيد ممثل شاطر ومحتاج إن المخرجين ينظروا له بشكل مختلف.

مفيش نجمة نجحت زى نيللي كريم من أيام ذات وسجن النسا وهى ممثلة كبيرة.

لما فكرت أستغل قدراتها التمثيلية قلت ليه متقدمش دور صعيدي وهى كانت قلقانة في الأول لإن اللهجة صعبة جدًا.

بعتبر مسلسل عملة نادرة أنجح مسلسل في حياتي في ظل الظروف الحالية للسوق.

كنا بنصور في مكان بعيد عن القاهرة ساعتين وفي النهاية الصورة طلعت كإننا في الصعيد.

دوري هو تقديم المشكلة وليس تقديم حلها، ولما عملت فاتن أمل حربي قدمت فكرة وصاية الأم وسمعت إن قانون الأحوال الشخصية بيتراجع حاليًا.

نيللي كريم عندها كل حاجة يتمناها المخرج وياريت كل الممثلات يبقوا زيها.

النجاح التجاري مهم بس نجاح الفكرة أهم بكتير.

مفيش وجه مقارنة بين المسلسلات ال 30 حلقة وال 15 حلقة، لإن طبيعي الحلقات الأقل هي اللي تنجح أكتر.

المسلسلات ال 30 حلقة شئ قاتل للإنسانية ومضر، إحنا بدأنا من شهر ديسمبر وخلصنا من أربع أيام

بيتعرض في رمضان أكتر من 35 مسلسل و 5 أو 6 بس هما اللي جذبوا الجمهور وكده يبقى في حاجة غلط.

مشوفتش مسلسل جعفر العمدة لكن محمد رمضان ممثل شاطر وعنده شعبية كبيرة.