الطريق
الأحد 19 مايو 2024 09:32 مـ 11 ذو القعدة 1445 هـ
جريدة الطريق
رئيس مجلس الإدارةمدحت حسنين بركات رئيس التحريرمحمد رجب
رئيس مجلس الإدارةمدحت حسنين بركات رئيس التحريرمحمد رجب

«مدرستش تمثيل ومنى زكي إنسانة جميلة».. أبرز تصريحات مها نصار مع إيمان الحصري

مها نصار
مها نصار

كشفت الفنانة مها نصار عن العديد من أسرار حياتها وكواليس الأعمال التي شاركت بها، حيث شاركت في موسم رمضان الماضي 2023 بثلاثة أعمال، وذلك مع الإعلامية إيمان الحصري في برنامج مساء dmc.

وفي السطور التالية نرصد لكم أبرز تصريحات مها نصار.

- من وأنا صغيرة بقول أنا هكون ممثلة ومكنتش شايفة نفسي في حاجة غيره.

- في أول حياتي اشتغلت عارضة أزياء وبعدين دخلت في الإعلانات.

- مدرستش تمثيل ومكملتش في المعهد ودرست بيزنس عشان خاطر والدتي.

-العمل مع زوجي حسين المنباوي في اللوكيشن مختلف تمامًا.

- زوجي مش هيختارلي دور إلا لو كان مناسب ليا.

- بحب ركوب الخيل ومش بحب الجيم والتمرين عكس زوجي.

- بمثل من 10 سنين من مسلسل سرايا وبعده واحة الغروب.

- واحة الغروب يعتبر بدايتي الفنية مع المخرجة كاملة أبو ذكري.

- كاملة أبو ذكري أصرت على اختياري رغم إنها كانت محتاجة بنت بشرتها سمرا للغاية.

- انبهرت بسيناريو مسلسل تحت الوصاية ومكنتش أعرف موضوع القضية وسألت أختي محامية عشان أفهم.

- منى زكي إنسانة جميلة وكواليسها أجمل.

- اشتغلنا المسلسل بكل حب وهو ده سر نجاحه.

- الشغل مع محمد شاكر خضير ممتع جدًا.

- مشهد القطار لما استخبيت من دياب فرحت جدًا وأنا بمثله.

- كنت مستنية المشهد ده عشان في دماغي فيلم نهر الحب وفيلم الهروب مشاهد القطار.

- تجربة تقديم 3 أعمال مع بعض مرهقة جدًا ومش هكررها تاني.

- كنت باجي من دمياط على المدينة بسوق الكانتو وبعدين أروح شبرا عشان ضرب نار.

- الموضوع ده خلاني مضغوطة وعصبية أوقات كتير.

اقرأ أيضًا: الدورة تحمل اسم سمير غانم.. مهرجان تطوان الدولي لمسرح الطفل يُكرم سامح حسين