هشام عاشور: «نيللي كريم قالتلي الناس هتقارنك بيا»
رد الفنان هشام عاشور، على الانتقادات التي يواجهها طوال الوقت بسبب عمله مع زوجته الفنانة نيللي كريم، خاصة بعد ظهوره الأخير معها في مسلسل "عملة نادرة" في رمضان 2023، واستعداده لتقديم دور زوجها في مسلسل "روز وليلى" الذي من المقرر عرضه خلال الفترة المقبلة.
قال هشام عاشور في برنامج بالعربي، إن دوره في مسلسل روز وليلى ليس كبيرًا ويقدم شخصية زوج نيللي كريم: "اتكلمت مع المخرج وقولتله بلاش عندي مشاكل كتيرة والناس مش سيباني قالي هو ده الدور ولازم تقدمه، قولت للمخرج في أول يوم أبوس إيدك مفيش داعي".
اقرأ أيضًا: شوجر دادي يزيح يوم 13 من الصدارة.. إيرادات الأفلام الجمعة
الانتقادات التي يتعرض لها هشام عاشور ونيللي كريم
وأضاف: "مينفعش شخص يجيب واحد يحطه قدام المخرج والمنتج ويقوله ده هيمثل معاك هما مش هبل، مفيش حد بيغامر ومعاه نجوم كتير عشان يحط حد يبوظله اللعبة، لو نيللي قالت ده ممثل عظيم هيقولوا جه منين ولو قالت ده غلبان هيقولوا طيب بيمثل ليه".
وعن الانتقادات التي واجهته بعد زواجه من نيللي كريم، تابع: "من قبل ما نتجوز عارفين إن ده هيحصل وهي قالتلي أنت ممثل تقيل بس فكرة إننا نكون مع بعض هتحط عليك ضغط والناس هتقارنك بيا، ولكن الناس لما تشوف ممثل بيأثر في حاجة معينة هيبدأوا يفصلوني عن نيللي".
هشام عاشور عن مسلسل روز وليلى
أما عن مسلسل روز وليلى، أضاف هشام عاشور: "المسلسل لذيذ جدًا ونيللي ويسرا عاملين دويتو حلو جدًا، والناس هيعجبها وعندي إحساس إن الناس هتطلب منه أكتر من جزء، والمسلسل متصور بطريقة مختلفة والمخرج أجنبي وطريقته مختلفة في الإخراج، واستمتعت جدًا في الشغل".
اقرأ أيضًا: قبل البريمو.. أعمال جمعت محمد هنيدي والمخرج سعيد حامد
