«كلين دليفري».. فكرة شاب لغسيل السيارات وزيادة دخله الشهري

غسيل السيارات على طريقة وجبات الديليفري، بتلك الفكرة المبتكرة سعى محمود أبو كريم البالغ من العمر 35 عاما إلى إيجاد مصدر دخل حلال لأهله، وراح ينتقل بأدوات التنظيف على دراجته النارية لغسيل السيارات في أي مكان يطلبه العملاء على طريقة وجبات الديليفري.

ديلفري غسيل السيارات لزيادة الدخل

يقول محمود في تصريحات تلفزيونية، وهو يشرح فكرته بكل حماس: "جبت الموتسيكل والأدوات بتاعة الغسيل، وحاولت أبسط الفكرة على قد ما أقدر، وبدأت أروح للعميل وأعرف العملاء بنفسي في الأول وده مكنش سهل في البداية لحد ما الناس اقتنعت وبدأت تحسن إني بقدم خدمة حقيقية".

يوفر الشاب خدمة غسيل السيارات في أي مكان يحتاجه العملاء فيقول: "أنا كمان عندي ميزة إني ممكن أروح للعميل في بيته أو في شغله، ولو في النادي، لو في جيم، لو في كافيه، في أي مكان أثناء ما هو مشغول بالحاجة اللي بيعملها، بغسل له عربيته وهو بعد ما بيخلص بيستلم العربية وبيدفع كاش، أو كمان ممكن يحول الفلوس على المحفظة الإلكترونية".

محمود بدأ فكرته قبل نحو عامين بعد أن فقد وظيفته خلال جائحة كورونا وحث الشباب على الابتكار لزيادة الدخل، والتغلب على الأزمة الاقتصادية التي يعاني تداعياتها العديد من المواطنين.

رسالة شاب ابتكر ديلفري غسيل السيارات

يضيف الشاب الثلاثيني: "النهارده بنسجل الموضوع دا علشان نوصل رسالة للشباب إن أنت ممكن تقدر من خلال أي ميزة موجودة تحت إيدك إنك تشتغل وتعمل لنفسك دخل
وكمان تقدر تفيد المجتمع اللي حواليك".

عملاء محمود أثنوا على فكرته، فيقول مصطفى هاشم عميل لدى محمود: "فكرة شاب طموح راحل عاوز يوجد مدخل رزق لأهله بالحلال فهي فكرة محترمة بصراحة".

اقرأ أيضا: شاب تنبأ بوفاته ونعى نفسه بكلمات غريبة: «دوري جاي»