«حسبي الله ونعم الوكيل».. أول تعليق من ميرنا هشام نجمة آراب أيدول على أنباء انتحارها
علقت الفنانة ميرنا هشام نجمة آراب أيدول على الأخبار التي تم تداولها في الساعات الأخيرة والتي تفيد بانتحارها، وهذا الأمر جعلها تتصدر مؤشرات البحث على مختلف مواقع التواصل الاجتماعي خلال الساعات الماضية.
نشرت ميرنا هشام فيديو عبر صفحتها على "فيسبوك"، وعلقت: حسبي الله ونعم الوكيل، وقالت في الفيديو:
"أنا عايزة أطمنكوا عليا أنا كويسة، ومنتحرتش وأي حد فعلا عارفني عمره ما هيتخيل إني أعمل كده، لكن الحكاية إني تعبانة شوية بس مش لدرجة الانتحار خالص، أنا بقيت أحسن ولو مختفية بقالي فترة، بس عشان تعبانه نفسيًا، وده أثر عليا جسديًا جدًا زي أي حد ممكن يحصله حاجة زي دي".
حقيقة انتحار ميرنا هشام
وتابعت ميرنا:
"ادعولي ابقى كويسة، كلنا بلا استثناء بنمر بفترة مش كويسة، بس بتعدي وعادي وأنا مريت بالفترة دي ومتعودة على كده، بس أنا معرفش الموضوع كبر ازاي، أنا آسفة لكل حد كلمني وأنا قافلة موبايلي، مش قادرة أرد على حد فعلًا، ادعولي أبقى كويسة ، وأوعدكم هبقى كويسة وأنا بخير ومفيش حاجة من الكلام ده".
اقرأ أيضًا: مع خطيبها.. هكذا احتفلت أسماء أبو اليزيد بعيد ميلادها (صور)
