مخرج فيلم البدلة يفجر مفاجأة بعد سنوات.. هذا الفنان كان سيقدم دور أكرم حسني

كشف المخرج ماندو العدل كواليس فيلم "البدلة" لأول مرة، مؤكدًا أن الفنان محمد هنيدي هو كان من سيقدم دور أكرم حسني وتم تغيير السيناريو بعد اختلاف هنيدي مع المنتج واعتذاره عن الفيلم.

قال المخرج ماندو العدل خلال لقاءه في برنامج "برودكاست": "فيلم البدلة كان لتامر حسني ومحمد هنيدي مش أكرم حسني، وفي السيناريو مكانوش بيتولدوا في نفس اليوم إحنا غيرناها عشان أكرم، وهنيدي كان موافق بس حصلت خلاف بينه وبين المنتج واعتذر، وهو قالنا أفكار كتير واستأذناه إننا ننفذها في الفيلم، وأكرم نجح جدًا في الدور".

اقرأ أيضًا: مشاهدة مسلسل سيب وأنا سيب الحلقة 1 الأولى الآن دون تقطيعات

ماندو العدل يكشف كواليس فيلم البدلة

وأضاف ماندو العدل: "بعد ما خلصت الفيلم قعدت أعيط كنت خايف مينجحش، والفيلم كوميدي ومش ذوقي في السينما مش عارف جابوني أعمله ليه، وتامر لما كلمني على الفيلم قولتله اشمعنه أنا، كنت لسه خارج من أعلى سعر وكنت شاكك من أول يوم إني هقدر أعمله والناس كانت بتضحك في التصوير وأنا بقدم الفيلم".

وتابع: "خلصت الفيلم وسلمته وكنا بنصور لحد قبل العرض بأربع أيام، وسافرت الساحل وأنا بعيط وبقول أنا انتهيت ومش هعمل أفلام تاني، ولما الفيلم اتعرض كنت عايز أعرف حصل ايه بس خايف، أخويا كلمني تاني يوم العرض وقالي الناس قالبة الدنيا عليك والفيلم حقق إيرادات عالية، أنا كان كل هدفي بس إنه يحقق زى فيلم تصبح على خير عشان مبقاش قللت من نجاح تامر حسني"، أما عن إمكانية تقديم جزء ثاني، قال: "من ساعتها وإحنا بنقول بس تامر وأيمن بهجت قمر انشغلوا في حاجات تانية".

اقرأ أيضًا: من مطالبات الجمهور لقرار النقابة.. من هو ترافيس سكوت وما أزمة حفلته في مصر؟