فيفي عبده: المسيحيين جدعان وإحنا إيد واحدة.. ومصر أحلى من أوروبا
كشفت فيفي عبده تفاصيل مسلسلها طوق نجاة مشيرة إلى أن العمل يسلط الضوء على العلاقة بين المسلمين والمسيحيين والوحدة بينهم في مصر، كما تحدثت عن سبب توقفها للسفر إلى أوروبا.
وقالت فيفي عبده في بث مباشر عبر حسابها الشخصي بموقع إنستجرام: "مسلسل طوق نجاة بيتكلم عن العلاقة بين المسيحيين والمسلمين وفيه موقف حصل مش هانساه خلال تصوير طوق نجاة..وساعتها زوج أختي توفى ولقيت الجيران جنبنا في إمبابة وقفوا معانا واخدوا الأطفال عندهم لحد ما نروح الدفنة وعملو أكل لينا.
وعن رأيها في المسيحيين تابعت قائلة: كنت بتكلم مع أختي عن جدعنة الجيران والموقف اليي حصل قالت لي إنهم مسيحيين وساعتها أدركت العلاقة الطيبة اللي بيننا.
وأردفت عبده : "تأثرت بمسلسل طوق نجاة لأنه بيناقش الواقع ونفس المواقف دي، والمسيحيين والمسلمين في مصر إيد واحدة وبنحب بعض طول عمرنا، والله يحمى مصر ويحفظها".
اقرأ أيضًا:ميريام فارس تكشف كواليس ديو الساحل الشمالي: «غنائي مع الكينج وسام على صدري»
أوضحت فيفي عبده خلال البث المباشر سبب توقفها عن السفر إلى أوروبا: "أنا بطلت أسافر أوروبا لأن الساحل الشمالي أحلى ومقدرش أسيبه، وقالت ساخرة :"العلمين الجديدة دي ولازم أروحها عشان وهم و يمكن أخد قيراط منها ".
