ابنة أحمد راتب تكشف مواقف لوالدها: «مناخيره اتكسرت في مشهد وبيقف على المسرح حرارته 40»
أعربت ابنة الفنان أحمد راتب عن شوقها الكبير لوالدها الراحل، كما كشفت عن بعض الصعوبات التي كانت تواجه والدها في مجال التمثيل، مؤكدة أنها كانت تنتظر يومين حتى تراه بسبب انشغاله في العمل.
نشرت لمياء أحمد راتب عبر صفحتها على "فيس بوك" صورة والدها، وعلقت: "تصدق يا بابا لحد دلوقتي في ناس فاكرة أن شغلك كان سهل، وهزار ولعب وشهرة بس.. ميعرفوش إننا كنا بنقعد يومين منشوفكش من غير ما تكون مسافر لكن عشان بتصور 18ساعة متواصلة، ميعرفوش إنك كنت بتقف على المسرح ودرجة حرارتك 40".
رسالة لمياء أحمد راتب لوالدها
وأضافت: "ميعرفوش إنك ممكن تنام ربع ساعة في الكرافان فالتصوير لحد لما المشهد يجهز، أو تستنى 3 ساعات عشان يظبطوا إضاءة مشهد هياخد تصوير ساعتين ويظهر 3 دقايق على الشاشة، ميعرفوش إنك كنت بتلبس صوف فأغسطس وتنزل البحر في يناير، ميعرفوش إن مناخيرك اتكسرت في مشهد وأثرت على حياتك، ميعرفوش إنك كنت بتحترم المخرج جدًا وبتسمع كلامه حتى لو أصغر منك بعشرين سنة".
واختتمت لمياء أحمد راتب: "أنا فخورة إني بنتك، عمري ما هنسى تعبك وشقاك اللي كبرت عليهم، عمري ما هنسى إنك كنت أحن أب وإنسان في الدنيا، ربنا أنعم عليك إنك تربي بناتك التلاتة وتجوزهم وتشوف أولادهم، وأراد إنك تحج بيته هدية من شركة السياحة لكل طاقم عمل مسلسل أم كلثوم، لو مكنتش فالجنة بكل اللي فات ده، فالجنة في قلبك السليم بحبك قوي وهفضل أدعيلك لحد لما أجيلك".
اقرأ أيضًا: إيرادات عالية لـ فيلم العميل صفر بطولة أكرم حسني في أول أيام عرضه
