عفاف مصطفى توجه رسالة عتاب لـ رامي إمام: ”هو أنا خطر على الزعيم؟”

وجهت الفنانة عفاف مصطفى رسالة إلى رامي إمام نجل الزعيم عادل إمام، مشيرة إلى أنها حاولت عشرات المرات التواصل معه لترى الزعيم ولكنه لم يرد على رسائلها.

وكتبت عفاف مصطفى: زعلانه من رامي إمام، بعتاله الرسالة الأخيرة دي عالوتساب ضمن العشرات قبل كده، الرسالة الـ15 ليك استاذ رامي اتمني يقراها أستاذي عادل نفسي ورجائي أشوف الأستاذ عادل وجه لوجه لأني عارفة اني الوحيدة اللي بضحكه لما بقعد جنبه زي ما قاللي قبل كده.

وأضافت: وكنت دايما أكلمه تليفونيا ويضحك ويبقي سعيد لمجرد يسمع صوتي ‘‘‘ دلوقت حضرتك يا استاذ رامي الوحيد اللي تقدر تحسم طلبي المتكرر ‘‘ سؤال استاذ رامي هوه انا خطر علي بابا ولا حاجة ؟؟؟ .... انا لو عملت كوبي لكل رسايلي اللي بترجاك فيها أزوره ونزلتها في صفحتي حضرتك هتحقق لي طلبي لما تلاقي الناس متضامنه مع رجائي ‘‘ الرجاء المتكرر ‘‘‘ ممكن تسمحلي وانت من بيت كريم بزيارته وتبلغه قبلها ولو عندكم تحفظات او ظروفه لا تسمح انا مش هزعل.

وتابعت: بس للعلم دائما اسمع بزملاء بيقولوا زورنا عادل امام في البيت ‘‘ لعلمك عندي العنوان من زمان واستطيع اعمل ‘‘ هجوم مشروع ‘‘ عليه لكن انا أكبر من كده ولا أضمن رد فعلكم في في زيارة بدون موعد مسبق ومنعا للحرج ‘‘ الناس بتزوره إشمعني انا يعني ؟؟ والله نفسي اشوفه واكلمه واطمن عليه وجه لوجه واشوف السعادة في وشه زي ما طول عمره تفرغ لإسعاد الناس.

اقرأ أيضا: الليلة.. ماجد المهندس يلتقي جمهوره في لندن