بيومي فؤاد: «وش في وش أصعب فيلم قدمته.. وهذه نصيحة عادل إمام»

حل الفنان بيومي فؤاد ضيف في برنامج "يحدث في مصر" مع الإعلامي شريف عامر، وكشف خلال اللقاء عن عدد من الأسرار حول حياته الشخصية ومشواره الفني، إلى جانب كشفه عن النصيحة التي وجها له الزعيم عادل إمام.

أبرز تصريحات بيومي فؤاد مع شريف عامر

- عادل إمام قالي خلي لا في قوة أيوة، بس أنا للأسف مش عارف أقول لا.

- بخاف المنتجين يزعلوا لما أختار أدواري.

- عمري ما اشتغلت حاجة دون المستوى من أيام ما كنت بعمل جمعيات عشان مدارس ولادي.

- البطولة الجماعية جميلة جدًا، ودايمًا بقولهم أنا لا بطل ولا نجم ولا مرضي باللي أنا فيه.

- اتشهرت على كبر وعمري ما حلمت باللي وصلتله.

- سافرت بره عشان أخس لإني رافض عمليات التجميل اللي بتساعد على التخسيس.

- المسرح مش هيبقى زى السينما والتليفزيون مهما عظم جمهوره.

اقرأ أيضًا: حكاية تحت الحزام الحلقة الأولى.. المرض النفسي يدفع أم لخطف خطيبة ابنها

تصريحات بيومي فؤاد

- بدّعي إن الكوميديا لعبتي وبيتقال إني شاطر فيها، ودوري في وش في وش أقرب دور لقلبي.

- راهنت على نجاح فيلم وش في وش وهو أصعب فيلم قدمته.

- أشرف زكي كان بيتريق عليا وبيقولي بشوفك بالبدلة في 6 مسلسلات.

- بيتعرض ليا 5 أفلام دلوقتي ولسه فيه 3 كمان هيتعرضوا بعدين.

- أنا أهلاوي وبتمنى عودة الزمالك.

- الكورة نعمة كبيرة وبالنسبة لي هى متنفس السعادة.

- عندي تصوير فيلم الإسكندراني في ماتش الأهلي اللي جاى، قولتلهم عايز شاشة أتفرج على الماتش.

آخر أعمال بيومي فؤاد

يشار إلى أن الفنان بيومي فؤاد، يشارك في دور العرض السينمائي حاليًا، بعدد من الأفلام، وهم: "وش في وش" مع الفنان محمد ممدوح وأمينة خليل وإخراج وليد الحلفاوي، وفيلم "العميل صفر" مع الفنان أكرم حسني وإخراج كريم العدل، وفيلم "فوي فوي فوي" مع الفنان محمد فراج ونيللي كريم ومن إخراج عمر هلال.

اقرأ أيضا: «روحي فيك».. عائشة بن أحمد بطلة الحكاية الثانية من مسلسل «55 مشكلة حب»