الفن

هيدي كرم توجه رسالة لجمهورها: «اتهرينا شتايم وإهانة ولو حصلكم كده هتنتحروا»

السبت، 30 سبتمبر 2023 11:01 صـ بتوقيت القاهرة

وجهت الفنانة هيدي كرم رسالة شديدة اللهجة للجمهور الذي يسب الفنانين ويهاجمهم بطريقة مستفزة وبشكل جارح، وأشارت إلى أن الجمهور إذا تعرض لنفس الأمر سوف يقدمون على الانتحار بعد ذلك.

نشرت هيدي كرم فيديو لها عبر حسابها على "انستجرام"، وهى توجه رسال لجمهورها، قائلة: "احنا كمشاهير اتهرينا والله، أنا بتكلم بصراحة بالنيابة عن مشاهير، خاصة السيدات، احنا اتهرينا من الشتيمة وقلة القيمة والتهزيق والإرهاب على السوشيال ميديا، وإنكم بتحسسونا إننا مانسواش حاجة، واتهرينا من الشتايم والإهانة والتهزيق".

هيدي كرم توجه رسالة لجمهورها

وأضافت هيدي كرم: "اللي بيشتمونا على السوشيال ميديا وإحنا بنحاول نعمل محتوى لذيذ وفيديوهات حلوة وإحنا بنحاول ندي طاقة إيجابية، وأي حاجة حلوة أو وحشة مش نافع برضو متهزقين ووحشين، صدقوني الناس اللي بتشتمنا لو شتمناهم نفس الشتيمة هينتحروا، احنا عندنا جهاز عصبي قوي إننا مستحلمين ومش بنرد".

وتابعت: "لكن صدقوني لو اللي بيشتمونا اتشتموا نفس الشتايم واتهانوا نفس الإهانة هتقطعوا شرايينكم من حجم والإهانة، لكن إحنا مش هنعمل كده لإننا محترمين ومؤدبين وبنقدر مشاعر الآخرين اللي هي مش عندكم خالص".

رسالة هيدي كرم لجمهورها

واختتمت حديثها قائلة: "كده كتير شوفوا لكم لعبة تانية لإن كرامتنا مش لعبة في إيدكم وبراحة كل واحد فينا عنده مشاكل وأزمات في شغله وعائلية وصحية ورجاء محبة تخفوا على بعض شوية مفيش بيننا وبينكم طار ونجاحنا مش معناه فشلكم، أرجوكم براحة على الفنانين المبدعين الطيبين الحلوين اللي بيعملوا حاجات حلوة عشانكم".

آخر أعمال هيدي كرم

يذكر ان آخر أعمال الفنانة هيدي كرم، مشاركتها في مسلسل "الاختيار 3" في موسم رمضان 2022، مع الفنان ياسر جلال، كريم عبد العزيز، أحمد السقا، أحمد عز، محمد رياض، خالد الصاوي، محمد العمروسي، إيمان العاصي، دنيا المصري، صبري فواز، سمر مرسي، كارولين عزمي، وغيرهم من الفنانين وضيوف الشرف خلال الأحداث، ومن إخراج بيتر ميمي.