للمرة الرابعة.. إصابة المطرب علي الألفي بفيروس كورونا
أعلن المطرب علي الألفي أصابته بفيروس كورونا للمرة الرابعة، موضحًا تفاصيل حالته الصحية وأعراض المرض التي يمر بها، مؤكدا بأنه أصيب بها بعد أخر حفله له والتي كانت منذ أسبوعين.
للمرة الرابعة.. اصابة المطرب علي الألفي بفيروس كورونا
وكتب علي الألفي عبر حسابه الشخصي بموقع فيس بوك:" تجربة الكورونا لرابع مرة خلت الموضوع فلسفي أكتر.. من أسبوعين كنت بغني و بدب برجلي في الأرض كما لو كنت الأقوى في الدنيا في حضور صحابي.. و بعدها بفترة وصلت لمرحلة من آلم العظم و السخونية.. ووصلت أني أتصل بأصدقائي أبكي من الآلم.. و دي مرحلة كل اللي عارفينني متأكدين أني ما بوصلهاش كده بسهولة".
وتابع علي الألفي: "أنا زمان عملت عملية و رجعت سايق يا جدع ولا يهمني.. كنت بتعامل مع الحالة أنها دور برد لغاية ما القهوة طعمها بقى مية و ملح و البرفانات اتشوهت ريحتها.. مرض الكورونا دا مزيج من الألم و السجن الإانفرادي.. و لو أنت لوحدك مفيش قدامك غير أنك تنشف و تقوم تخدم نفسك.. أقصى ما يمكن للجميع تقديمه هو مكالمة فقط".
علي الألفي: احنا لوحدنا في الدنيا.. وربنا يغفر لي
وأضاف الفنان الشاب: " ورغم أن المكالمة دي حقيقي بتفرق و بتهون نفسيا.. لكن بردو بتحس انك في تجربة "يوم يفر المرء من أخيه" و بالتحديد "لكل امرئ منهم شأن يغنيه.. إحنا لوحدنا في الدنيا.. شايلين شيلتنا و هنقابل ربنا شايلين شيلتنا.. مهما كانت عزوتك و مهما كنت مسنود ب سند.. هتيجي لحظة حقيقة تعرف فيها حجمك".
واختتم على الألفي: "مقدرتك يا رب أغفر لي كل لحظة تناسيت فيها قوتك و سمحت لنفسي بغضبك يا رب.. استغفرك ربي و أتوب اليك و بشهد عليا كل اللي يقرأ الكلام ده و انت خير الشاهدين".
