نور النبوي يكشف عن سر تغيير اسم «الكابتن ماجد» لـ«الحريفة»
حل الفنان نور النبوي ضيفا على الإعلامية فاطمة مصطفى، ببرنامجها "الراديو بيضحك" المذاع عبر محطة راديو 9090، وحرص نور خلال لقائه الرد على ربط الجمهور بينه وبين والده الفنان خالد النبوي، فضلا عن حديثه عن سبب تغيير اسم فيلم “كابتن ماجد” إلى "الحريفة".
تصريحات نور النبوي عن والده
وقال نور النبوي: “أنا بشوف نفسي دي شغلانتي أنا، ومش في دماغي مين أبويا، طبعا خالد النبوي نجم كبير وبحبه بس، ولكن وأنا بشتغل مش في دماغي مين أبويا، أنا بحاول اشتغل على نفسي ودا اللي بركز فيه، وعارف إنه هيجي لحظة كل ما اشتغل وكل ما احاول أثبت إني استحق أبقى موجود على الشاشة”.
وأودف: “الناس هتستقبل دا، لأن فيه حب بيني وبينهم أنا لامسه، وأنا بحب الناس، حتى لو قالوا احنا بنحبه عشان والده، أنا مش بتضايق، وبفرح جدًا لما يقولوا الولد دا موهوب، وببقى سعيد جدا لما بلاقي الناس بتحسني شبههم ويقولولي أنت زي ابني”.
سبب تغيير اسم فيلم الحريفة
وفي الحلقة ذاتها، كشف الفنان نور النبوي، عن الاسم الأول لفيلم “الحريفة” الذي يعرض حاليًا في دور العرض السينمائية.
وأعرب “النبوي”، قائلا: فيلم الحريفة كان المفروض يكون اسمه ”كابتن ماجد"، بس غيرناه عشان الجيل الصغير ميعرفش مين كابتن ماجد، وكنا عايزين حاجة ليها علاقة بالجيل الجديد، وأستاذ رؤوف وأستاذ طارق كان عندهم فيلم تاني كان هيتعمل عن قصة حياة الجوهري، ومعرفش ليه قرروا إنهم ميعملوش دا ويعملوا “الحريفة”، ودا من حسن حظي.
