نجوى فؤاد: ”صرفت على يسرا 3 ملايين جنيه في بدايتها ومابتسألش عليا دلوقتي”

استضافت الإعلامية أسما إبراهيم في حلقة اليوم من برنامجها "حبر سري"، المذاع عبر فضائية "القاهرة والناس"، الفنانة نجوى فؤاد، والتي تحدثت خلال لقاءها عن موجة الانتقادات التي تعرضت لها بسبب صورة جريئة لها لصالح أحد الإعلانات.

أبرز تصريحات نجوى فؤاد

وقالت الفنانة نجوى فؤاد: "الانتقاد يرجعلي أنا لأني بعارض بقالي 10 أو 15 سنة اللبس العريان زيادة عن اللزوم اللي اضافوه علينا الروسيات والراقصات الجدد وأيامي مدير الرقابة دكتور يحيى حقي كان عندي حوالي 18 سنة اقترحت عليه يتحط حاجة شيفون على البطن تشد الوسط وتبقى الممنوع المرغوب وميبقاش الجسد عاري".

وتابعت: "فقالي تفكيرك أكبر من سنك فقولتله أنا رأيي كدا لو حضرتك عاجبك نفذه وأنا أول واحدة هعمله، وانتقدوني عشان الصورة دي، الصورة دي لإعلان لوزارة السياحة عشان مصر ومكنش بايدي، فالناس بتقول منين أنتي بتنقدي دا وبتقولي كدا عيب وميصحش ومنين بتعملي صورة زي دي، ليهم حق أنهم ينقدوا لكنهم مش عارفين القصة إيه ومش عارفين أني بعمل حاجة للبلد".

وفي اللقاء ذاته، كشفت نجوى فؤاد عن طبيعة علاقتها بالفنانة يسرا، فقالت: "يسرا اتخلت عني ودلوقتي لما بتسمع أني مريضة وأنا بعيد عليها بفويس بترد عليها بفويس بتقولي كل سنة وأنتي طيبة وإزيك وإزاي صحتك وبس ومش بتطمن عليا إلا ما أكون تعبانة".

وأردفت: "أنا صرفت على يسرا في بداياتها 3 مليون جنيه ومابتسألش عليا ولو جات عرضت عليا 3 مليون جنيه دلوقتي مش هوافق عشان هتعب إنسانيا ونفسيا.. عايزة احتاج لربنا مش لإنسان".

اقرأ أيضا: لماذا اختارت نجوى فؤاد حورية فرغلي لتقديم سيرتها الذاتية - خاص