مي حلمي تكشف كواليس رفضها الظهور مع طليقها بمقلب رامز جلال.. ”فيديو”

تحدثت الإعلامية مي حلمي عن رفضها الظهور في برنامج المقالب الشهير "رامز جاب من الآخر"، ويقدمه الفنان رامز جلال، والذي كان من المقرر أن يجمعها بطليقها المطرب محمد رشاد، ويعرض ضمن السباق الرمضاني المنقضي 2024.

تصريحات مي حلمي

وقالت الإعلامية مي حلمي خلال لقاءها في برنامج "et بالعربي": أنا بحب رامز جلال، ولكن لو هو بيقعد في السعودية أو الإمارات شهر أنا قاعدة هناك طول السنة فأكيد الكواليس هتكون عندي، ولما كلموني طلبت رقم معين 25 ألف دولار، في ناس يا حرام مكنتش عارفة الموضوع إيه وهما قالولهم أنتوا بتاخدوا بالمصري، أنا اللي فرق معايا الميزانية وإن هو ميبقاش برنامج مقالب".

وأضافت مي حلمي: "المقلب إن إنت تجيبلي حد أنا على خلاف معاه، وأنا استحالة أقوله صباح الخير، دي حاجة وحشه في حقي جدا ولا أنا هقبلها ولا أنا مستنية فلوس.. ناس كتير جدا قالتلي كنتي روحتي وأخدتي الفلوس قلتلهم متلزمنيش أنا بعمل في نص ساعة إعلان بـ 25 ألف درهم مش محتاجة الفلوس دي في أي حاجة، والناس شاهدة على الكلام ده".

وأردفت: "البرامج دي مش هدفها صلح، وكل مذيع بيهمه برنامجه والمشاهدة كل سنة هيبقى عايزها تكون أعلى من اللي قبلها، فاستحالة تقولي مصلحتي أهم من مصلحتك، هو أنا صغيرة مستينة حد يصالحني على حد، وإنت مين عشان تصالحني، هو أنا معنديش أهل أو أصحاب هاجي اتصالح على الشاشات.

اقرأ أيضا: مي حلمي بعد طلاقها من محمد رشاد: ”الوحش بيطلع من الناس الوحشة”