ولاد عمي ضربوا بعض عشان أختي.. نص اعترافات قاتل شقيقته في الجيزة

حصلت "الطريق" علي نص إعترفات للمتهم بقتل شقيقته لإدعائها أن والدها تهجم عليها ما تسبب في إنفصاله عن زوجته، في منطقة الصف جنوب الجيزة.

وجاء نص اعترافات المتهم "إسلام .ر" كالتالي حبسما أوراق القضية رقم ٤٦٧١ لسنة ٢٠٢٤ جنايات مركز الصف والمقيدة برقم ۱۳۸۰ لسنة ٢٠٢٤ كلي جنوب الجيزة.

واعترف المتهم أمام النيابة: بعد ما شديت مع أبويا اخدت أختى تعيش مع أمي واخواتي في الشقه اللي أنا مأجرها في الشرفا ومعداش يومين ولقيت أمي بتكلمني وبتقولى اختك سابت البيت وراحت عند عمها عشان انا كنت مقفل عليها الدنيا وكنت مانعها من التليفونات والخروجات وبعد كده جالي تليفون من واحد معرفوش وبيقولى لم اختك رنيت على الرقم ده مردش عليا خالص بعد ما يعتلى الرسايل دى واديت الرقم لأبويا يشوف الرقم ده وبتاع مين والرقم ده راح بعت لاخويا لما بعتله اسكرينات ورسائل وصوره لاختى و كلام محدش يستحمله.

وتابع: طلعت على عمى عبد الناصر وقولتله راح قالي الصور دى مفبركة والكلام ده من حوالي خمس شهور وبعديها هي تعبت واخدتها لفيت بيها على المستشفيات واتحجزت في الرعايه وبعد كده طلعت وراحت عند بيت عمى عاشت معاه وادينتي التليفون اللي معاها وقالتي انا مش هشيل تليفونات ثاني واكتشفت بعد كده انها اشتغلت وجابت تليفون ثاني وروحت لما حصل كده اتكلمت مع عمى طردنى وقالي متجيش هنا ثاني.

وأكمل: بعد الى حصل مبقتش اطلع من بتنا ورجعت على الشغل والكلام ده من حوالي عشرين يوم وروحت شغلی ونزلت أول إمبارح يوم الجمعة الموافق ٩-٢-٢٠٢٤م الساعة 6 ونص الصبح وأول ما نزلت البلد سألت عنها ولقيتها بتعمل اللي بتعمله وانها زى ما هي وعرفت ان حصل مشكلة بين ولاد اعمامي يوم الخميس ومسكوا في بعض عشان كلام الناس الى كثر جزء من ولاد اعمامي بيدافع عنها والباقي بيقول مينفعش نسبها تعمل كده فمسكوا في بعض يوم الخميس الى فات ده على طول وفضلت قاعد في البيت يوم الجمعة وامي قالتلي روح صلى قولتلها لا انا مش هعرف اروح المسجد والناس في البلد تشوفي خالص روحت أول يوم الجمعة بليل أتكلم معاها ومكنش في نيتى حاجة بس ملقتهومش في البيت وأنا عارف إن أنا معرفش أتكلم معاها لو عمى موجود فا أنا تاني يوم الصبح عارف إن عمى بيروح يجيب الفطار بدرى على الساعة 8 وربع انا رحت عند البيت على أوله كنت هناك على الساعة 7 ونص الصبح.