عادل عقل يكتب: في حب بلدي
في حب مركز ادفو محافظة أسوان وحب الخير لكل الناس حب انك تشوف بلدك جميلة حب الخير لغيرك وبلاش حقد وغل صدقني محدش بيموت وبياخد حاجه معه علم ابنك كويس الاحترام وعلم بنتك كويس الغلط غلط والصح صح تعال نعمل حاجه حلوه لكل الشباب مركز ادفو المحترمين تعال نشجع الشباب تفتح مشروعات ونبدأ نعمل شير كتير ليهم وندعو الناس تشتري من عندهم واصحاب المحلات تعمل عروض للناس الغلابه تعال احنا كشباب نقف ايد واحده ونجيب المسؤل علي البلد دي ونقوله احنا عاوزين وعاوزين وعاوزين عاوزين بلدنا جميله مركز ادفو مش اقل من اي مكان إدفو جميلة بناسها البلد عاوزه شباب تتحرك في كل مكان بلاش الهري علي الفاضي القضاء على مكافحة المخدرات وحماية الشباب من الإدمان.. القضاء على التعاطى يتصدر اهتمام القيادة السياسية بتنفيذ استراتيجية 2024 ـ 2028. لعبت دورا كبيرا في بعض الأماكن فى ادفو نحاول نقف مع الأمن بلاش نقول وانا مالى تعال نعمل فريق كوره محترم تعال نشوف مركز الشباب تعال نشوف كل مكان ونحاسب المقصرين في حق كل مكان مسؤل لحد امته شباب البلد هتفضل تتفرج علي ناس علي مشاريع جديده ومفيش ولا شاب في البلد فكر ولو فكر يقولك اصل البلد بتحب الغريب لا ياعم احنا بنحب الكل ولزم نشجع الكل يلا نبدأ بجد يلا ندور علي الناس المحتاجه بطاطين في الجو الساقعه دا مفيش مره فكرت والدنيا كدا بتشتي في حد معندهوش غطاه او لبس تقيل كله الحمد لله ماشي الحال بس لزم الناس تاخد الخطوه بجد ياشباب العمر بيجري ولزم كلنا نفوق من الغيبوبه لزم كلنا نقرب من ربنا
فين الشيوخ معلش لزم تتعبو معانا لزم تلفو علي البيوت ونعمل مكان كويس لتحفيظ القرآن لزم تنتشرو في كل مكان اي المشكلة دا واجب عليكم واحنا لزم نحترم كل شيخ ونسمع الكلام ولزم النصيحه تكون بأسلوب الحبيب سيدنا محمد عليه افضل الصلاه والسلام علشان غيرك يقبل ويفهم فيها اي لما تلقي مجموعة شباب قعدين تروح تقعد معاهم خمس دقايق تقولهم حديث جميل او كام ايه من القرآن وتمشي حتي البنات اي المشكله لزم احنا في حرب والله وأخلاق البعض ا في ذمه الله وكل مسؤل عن حاجه في مركز ادفو اتقي ربنا في شغلك ونضفو البلد نشتغل بضمير ونرعي ربنا في الغبان برضه نخلي في ضمير وخليك فاكر ربنا كويس عيالك محدش هينفعك منهم قدام ربنا والله كله نفسي نفسي ياريت يكون عندنا ضمير ياريت نحب مركز ادفو وياريت نشجع الشباب ياريت كل واحد يعمل الا ربنا يقدره عليه من الخير وكفايه بوستات نهاجم بعض بيها بلاش نرد علي الناس في الكومنتات بأسلوب مش حلو بلاش نوجع حد اصلا جبر الخواطر اكبر من اي حاجه احنا نقدر والله نغير كل حاجه نكون افضل
