بسبب مرض ريهام سعيد.. منة فضالي لـ«الصحفيين»: «ارحمونا»
وجهت النجمة منة فضالي رسالة مؤثرة للإعلامية ريهام سعيد عقب إصابتها بوعكة صحية عبارة عن فيروس في الوجه لدعمها.
ونشرت "فضالي" صورة لـ"ريهام" عبر صفحتها الرسمية على موقع تبادل الصور والفيديوهات "انستجرام" وكتبت عليها قائلة:"مرضيتش أكتب كلام زي الباقي لأني كل يوم بسمع كلام شكل فاللي حقولوا دلوقتي يخص ريهام، من أطيب خلق الله وجدعه وطول عمرها من قبل ما أعرفها عارفه انها بــ ١٠٠ راجل إذا ربنا ابتلاكي يبقي بيحبك وبيحبك أوي".
وأضافت: "بكره ترجعي أحسن وأحسن من الأول مهما كان اللي عندك ربنا كبير يا حببتي وأنتي ست الناس بجد مش مجامله أنا فعلا بحبك وبحترمك وربنا يبعد عنك أي حاجه وحشه".
ثم وجهت "منة" حديثها إلى مروجي الشائعات"، أما بخصوص الكلام الكتير اللي ملوش لازمه مش حرام عليكم تكتبو اَي حاجه من غير ما تتأكدو هي ريهام دي ملهاش أهل لما يشوفو كل يوم خبر أوحش من اللي قبله مش ممكن حد من أهلها يتعب علشان كلام كذب أرجوكم طول عمري بقول ارحمو الناس اللي عنده كلمه حلوه نقولها ونتأكد قبل ما نكتب اَي حاجه مش عيب بلعكس ده احترام و تقدير أنا لما دخلت عمليات قالو كتير ميعرفوش أني كنت بموت و هما فاكرين بعمل عمليات تجميل".
وتابعت: "أرجوكم ارحمونا مش علشان إحنا فنانين أو إعلاميين نكون مش بشر أو معندناش دم و إحساس بالعكس إحنا عندنا أكتر من اَي حد اتمنولها ترجع بسلامه وراعو مشاعر الآخرين وآسفه لو كلامي فيه غلط بس نفسي تحبونا زي ما بنحبكم".
