جوزي بيطلع أسراري برا البيت وبيحكي ما بيننا لأصحابه.. نيفين مختار ترد بقوة بالحكم الشرعي
كشفت الدكتورة نيفين مختار، الداعية الإسلامي، حكم التجسس بين الزوجين، قائلة: حرام شرعًا ومخالفة أوامر ربنا سبحانه وتعالى: {يَا أَيُّهَا الَّذِينَ آمَنُوا لَا تَخُونُوا اللَّهَ وَالرَّسُولَ وَتَخُونُوا أَمَانَاتِكُمْ وَأَنتُمْ تَعْلَمُونَ}.
وتابعت خلال برنامج أنا وهو وهي تقديم سارة سامي وشريف بديع وآية شعيب: خيانة الأمانة دي ربنا يحاسب عليها، الأمانة إن أنا أبقى قاعدة معاك في البيت ومتطمنة، مش قاعدة لا حاسة بالأمان ولا فيه ثقة بيننا وحاسة إنه بيفتش ورايا ويتجسس عليا.
وبشأن قوامة الرجل، أضافت نيفين مختار: القوامة هي سند وضهر، واحتواء وأمان بين الراجل والست، وده خط فاصل وشعرة كبيرة جدا، إن الزوج يطلع الصبح أو بالليل يقابل أصحابه ويحكي عن اللي حصل في الليلة اللي فاتت مع زوجته.
واستشهدت بقول النبي صلى الله عليه وسلم: إن من أشر الناس يوم القيامة، الرجل يفضي إلى امرأته وتفضي إليه ثم يصبح ويفشي سرها"، عشان كدا لما ربنا بيقول سبحانه وتعالى: {وَلَا تَجَسَّسُوا}، ده أمر إلهي يجب أن يُحترم ونقول: سمعنا وأطعنا.
