قبل طرحها.. ننفرد بنشر كلمات أغنية ”كسرة قلبى” لـ سيد شعبان عبدالرحيم

كشف وحيد أمين، مدير أعمال المطرب الرحل شعبان عبدالرحيم، فى تصريحات خاصة لـ "الطريق"، عن انتهاء سيد شعبان عبدالرحيم من تسجيل أغنية " كسرة قلبي" رثاءً لوالده.

أغنية " كسرة قلبي"، كلمات صلاح مندي، ألحان سيد شعبان عبدالرحيم، توزيع حمادة فاروق.

وتنفرد "الطريق" بكلمات أغنية " كسرة قلبي"

يا كسرة قلبي من بعدك

يا ضهرى اللى انحنى فـ بعدك

يا كسرة قلبي من بعدك

يا ضهرى اللى انحنى فـ بعدك

شبعت من الحياة يابا

ومنى وسبتها لوحدك

وجالك قلب متاخدنيش

أبويا ياقلبى قوانى

أويا ياعزوة ساندانى

أبويا ياقلبى قوانى

أويا ياعزوة ساندانى

خلاص الدنيا كرهانى

وكرها إنى فيها أعيش

بحسك إنى مش عامل

حساب للدنيا بالكامل

بحسك إنى مش عامل

حساب للدنيا بالكامل

وعمرى ما كنت بتنازل

عشان فيها أنا أقدر أعيش

وعمرى ما كنت من الخايفين

عشان عارف ورايا مين

وعمرى ما كنت من الخايفين

عشان عارف ورايا مين

خلاص هبقا من التايهين

وهشبع مـ الحياة تلطيش

يا أقرب حد كان ليا

يا قلب كبير قطع بيا

يا أقرب حد كان ليا

يا قلب كبير قطع بيا

أنا تايه ومتلغبط

فى دنيا حاسسها مش هيا

ومين فـ الدنيا حببنى

وكنت أتعب يطببنى

ومين فـ الدنيا حببنى

وكنت أتعب يطببنى

وأقول الآه يقول يابنى

أنا اللى أموت وأنت تعيش

وشال عنى اللى يتعبنى

مسابش الدنيا تغلبني

شال عنى اللى يتعبنى

مسابش الدنيا تغلبني

مش أنت وجاى بتسبنى

وجالك قلب متشوفنيش

يا كسرة قلبي من بعدك

يا ضهرى اللى انحنى فـ بعدك

يذكر أن آخر ظهور للمطرب شعبان عبدالرحيم، في حفل غنائي بعنوان "ليالى المحروسة" فى البوليفارد، ضمن فعاليات موسم الرياض، والذي تنظمه الهيئة العامة للترفيه، برئاسة المستشار تركى آل الشيخ، وظهر شعبان عبدالرحيم يغني على كرسي متحرك، بعد تعافيه من كسر في قدمه، تعرض له نتيجة سقوطه في منزله.

المطرب الشعبي شعبان عبدالرحيم، رحل عن عالمنا صباح الثلاثاء، الموافق 3 ديسمبر الماضى، عن عمر يناهز الـ62 عامًا، بعد إصابته بوعكة صحية شديدة بسبب التهاب رئوي حاد، أصابه بعد عودته من السعودية.

وتم تشييع جثمانه من مسجد السيدة نفيسة، ودفن بمحافظة القليوبية، وأقيم عزاؤه بمنطقة فيصل، وحضره السياسي الكبير عمرو موسى الأمين العام لجامعة الدول العربية الأسبق، ومجموعة كبيرة من نجوم الفن منهم هانى شاكر نقيب المهن الموسيقية، وحكيم، وصلاح عبد الله ونادر أبو الليف ومحمود الليثي ومحمد عدوية وعبد الباسط حمودة وحلمى عبد الباقي، وبالإضافة إلى سعيد حساسين عضو مجلس النواب.

قدم الراحل شعبان عبد الرحيم عشرات الأغاني أشهرها "مواطن ومخبر وحرامي" من فيلم يحمل نفس السم ، وأغنية "أنا بكره إسرائيل" و"متخافش من الحكومة" و"شعبان يتحدى جاكسون" و"هابطل السجاير" ساهمت في اشتراكه في عدد من الافلام السينمائية بعدما اختاره المخرج الكبير داوود عبد السيد لبطولة فيلم "مواطن ومخبر وحرامي".