غرام في الجيم.. الزوجة الخائنة استسلمت لعشيقها المدرب وألقت بطفلة السفاح في الشارع

"طفلة رضيعة تبكي وحيدة فى الخلاء، السبب فى الكشف عن قضية خيانة"، تفاصيل كثيرة كشفتها التحريات بواقعة العثور على رضيعة بحديقة مسجد مصطفى محمود بالدقي.

وكشفت التحقيقات خيانة زوجة، أقامت علاقة محرمة لمدة 6 شهور لتكون النتيجة طفلة، حاولا التخلص منها بسبب عقم الزوج، ليلقوا بالطفلة فى حديقة المسجد.

بداية الواقعة أقرتها الزوجة الخائنة ومن بعدها العشيق بعد مثولهما أمام النيابة، إثر عرضهما على النيابة لإحالتهما للمحكمة بهمة الزنا والشروع فى القتل.

قالت الزوجة: " قصتنا بدأت من 6 شهور، شاغلنى وبسبب إهمال جوزي غصب عني اتشديتله، العلاقة بدأت لما سيبت البيت لجوزي بسبب المشاكل الكتير بينا، وبعدها روحت بيت ابويا، ونزلت اشتغل فى الجيم احسن من قعدة البيت، بدأنا بكلام وبعدين محستش بنفسي غير وأنا فى علاقة معاه، نسيت نفسي ودنيتي، وفوقت على القلم، أنا حامل، معرفتش هعمل إيه وجوزي عقيم مبيخلفش، كلمته بسرعة وقالى لازم ننزل الجنين بس كان الوقت عدى ومينفعش ننزله، وجه يوم الولادة".

تابعت الزوجة: "روحت المستشفى عشان أولد وأول ما خلفت، أخدنا البنت وسيبناها عند حديقة المسجد، خوفت ءأذيها وقلبي مطاوعنيش أعمل فيها حاجة، سيبتها فى الشارع يمكن حد يلاقيها وياخدها يربيها.

وبسؤال المتهم أيد كلامها قائلا: " هي اللي شاغلتني الأول، سرقتني السكينة، ولقيت نفسي معاها فى السرير، ومفوقتش غير وهى بتقولى إنها حامل، وبعد ماخلفت اتفقنا نسيب البنت فى جنينة مسجد مصطفى محمود".

جاء بتحريات المباحث تلقي بلاغ من الأهالي بالعثور على طفلة رضيعة داخل حديقة مسجد مصطفى محمود بالدقي، وعلى الفور انتقلت القوات الأمنية، ليتبين وجود طفلة حديثة الولادة، ومربوطة الحبل السري، وبيدها لاصق طبي، مدون عليها،"اسمها-شبرا الخيمة".

وانطلقت بعدها مباحث الجيزة، بعد قرار النيابة العامة للقبض على المتهمة "الأم"، 24 عاما، وعشيقها 29 عاما، مدرب جيم، مقيمين في منطقة شبرا الخيمة بمحافظة القليوبية، وتم تحرير محضر بالواقعة، ولا تزال التحقيقات مستمرة.