”نسيبها تموت”.. تصريحات صادمة من هالة صدقي بسبب رجاء الجداوي

أعربت الفنانة هالة صدقي عن غضبها الشديد من موجة الجدل الدائرة عقب إصابة الفنانة رجاء الجداوي بفيروس كورونا، ووفاة طبيب بالفيروس.

واستنكرت هالة صدقي ما يقوله البعض حول الاهتمام برجاء الجداوي لانها فنانة وتقديم الرعاية الكافية لها، وعلى النقيض اهمال الطبيب الذي يتصدى للفيروس حتى وفاته.

وكتبت هالة صدقي، عبر حسابها الخاص بموقع التواصل الاجتماعى "فيس بوك": "يعني المفروض نسيبها تموت، وما تتعالجش لأنها فنانة، مش فاهمة، وهي كان ليها الأولويه لأنها ست كبيرة، ولإن كورونا خطرها أكبر للناس الكبار".

وأضافت: "وايه رد الفعل لو كانت اتسابت من غير علاج، كنتوا هتتبسطوا، ولو في أي محسوبية ماكنتش اتعالجت في الإسماعيلية كانت راحت أي مستشفى في القاهرة جنب بيتها".

وتابعت: "الست دي جالها الكورونا وهي بتشتغل مش زي ما حضراتكم تبرعتوا وقولتوا إنها بتشتري هدوم العيد لحفيدتها، وفضلت تشتغل لأخر لحظة بكل التزام، مش لأنها كسرت القوانين ونزلت تتفسح أو تتمشى".

واستكملت: "السادة الأفاضل الدكاترة طبعا كتر خيرهم، ومؤكد ليهم أولوية في العلاج بس مش سرير رجاء الجداوي اللي عطل انقاذ أي مواطن، هي مواطنة مصرية وليها كل الحقوق للعلاج من غير تنمر ومن غير تريقة مش لازم الفنان يكون في ديل القائمة علشان ترتاحوا".

وواصلت حديثها كاتبة: "ببما إننا في حاله طوارئ فواجب على مستشفيات القطاع الخاص اللي كسبت مننا الملايين تتبرع ولو بدور واحد للحالات المهمة أو مستشفى واحدة للأطباء اللي بيضحوا بحياتهم لعلاجهم لأن فعلا دول اللي ليهم الأولوية، إحنا لسه خارجين من رمضان يعني لازم يكون عندنا علي الأقل القليل من الرحمة والاحترام لكبار السن".

واستطردت: "ويكفي إحساس رجاء الجداوي وعربية الإسعاف تنقلها في الفجر وهي مريضة وهي بمفردها من غير أي حد تعرفه لمدة تلات ساعات حتى تصل للإسماعيلية في انتظار المجهول بمفردها".

اقرأ أيضًا: سبب خطير وراء إصابة رجاء الجداوي بفيروس كورونا (صورة)

وانهت هالة صدقي حديثها كاتبة: "ربنا يرجعها ويرجع كل مرضانا بالسلامة وينقذ كل أطباء مصر، ملائكة الرحمة اللي اقسموا علي عهدهم يوم التخرج والالتزام به فلهم جميعا كل التقدير والاحترام".