محكمة الأسرة اليوم 2020| مراتي سابت شغلها وبتهد البيت
"الديون كترت عليا، وهي بتدلع، اتفقنا نسد الديون سوا، وهب سابت الشعل وبتخرج وتسيبلى الولاد "، هكذا وقف الزوج أمام محكمة الأسرة بمصر الجديدة يطلب زوجته لبيت الطاعة.
وقال الزوج فى دعواه أمام محكمة الأسرة بمصر الجديدة: "١٠ سنين جواز اتعاهدنا نساعد بعض بكل حاجة، لكن من كام شهر اتغيرت وبتتخانق على أى حاجة، وبتسيب الولاد فى البيت وترجع متأخر، ومش بترضي تعرفني كانت فين".
اقرأ أيضًا: بعد قليل| استكمال نظر دعوى الطيار المطالب بتعويض من محمد رمضان
وتابع الزوج فى دعواه أمام محكمة الأسرة بمصر الجديدة: "أنا بشتغل فى وظيفتين عشان أعرف أسد احتياجات البيت، وأخليهم يعيشوا فى مستوي كويس، وبفلوس شغلى وشغل مراتي، كنت بنسد ديونا، والأقساط براحتنا ومن غير ضغط، وده كان اتفاقنا من أول يوم لينا مع بعض، وفعلا لسنين طويلة كان ده اللي بيخصل بس وفى نص الأزمة قررت ترجع فى كلامها".
وأضاف الزوج فى دعواه أمام محكمة الأسرة بمصر الجديدة: "رفضت تدفع مصاريف الأقساط، والديون اتكومت عليا، ومطالب أوفر مصاريف الأولاد وأفضل قاعد معاهم لحد ما أمهم ترجع من بره، بدأت تتخانق على أى حاجة وده كان بيأثر على ولادي بشكل غريب وبتزعقلهم وتضربهم على أى حاجة".
وواصل الزوج فى دعواه أمام محكمة الأسرة بمصر الجديدة: حاولت أتفاهم معاها وأشوف مالها، بس هى رفضت وسابت البيت ومشيت، روحت لأهلها يشوفوا حل معاها، وأمنع بيتي يتهد، موافقتش برده ترجع معايا، اضطريت أرفع دعوة نشوز، يمكن ترجع لعقلها، ومتهدش البيت اللي عيشنا نبنيه سوا لسنين".
