محكمة الأسرة اليوم 2020| الزوجة والزوج يتنازعان على الطفلة.. وصغيرتهما تهدد بالانتحار
"مراتي سرقت بنتي وهربت، ومشوفتهاش من ١٤ سنة"، والزوجة ترد : " ده شمام ومدمن مخدرات، وهربت منه بسبب أفعاله"، والطفلة تصرخ: " لو سيبت أمي هموت نفسي"، الثلاثة أمام محكمة الأسرة بروض الفرج يصرخون والقاضي لاحول ولا قوة.
وقال الزوج فى دعواه أمام محكمة الأسرة بروض الفرج: " اتجوزت طليقتي من ١٥ سنة، وتم الطلاق بهد ٤ سنين من جوازنا، وطول المدة دى أنا محروم من بنتي بسبب ظروف العيشة الصعبة ".
اقرأ أيضًا: عاجل| وفاة أول حالة من الأطقم الطبية بمستشفى عزل بلطيم بعد إصابته بكورونا
وأضاف الزوج فى دعواه أمام محكمة الأسرة بروض الفرج: " بنتي كبرت ومن حقي تعيش معايا، خصوصا إنها فى الفترة دي محتاجة لوالدها يرعاها، بس بسبب عقاب زوجتي رافضة تسلمني بنتي ".
بينما ردت الزوجة على دعوى زوجها بالحضانة أمام محكمة الأسرة بمصر الجديدة: " اتجوزت راجل مش مسئول، ويبيع أبوه عشان الفلوس والكيف، عشت معاه ٤ سنين فى مرار، لحد ماقررت الطلاق والهرب ببنتي، بس هو مسابنيش فى حالى، ودايما كان بيبتذني فى مقابل إنه مياخدش البنت مني ".
وواصلت الزوجة فى ردها على دعوى زوجها بالحضانة أمام محكمة الأسرة بمصر الجديدة: " عمره ماصرف على بنتي يوم، ولا بيسأل عنها، إلا لما تخلص فلوسه، ويجي يبتذني عشان ياخد فلوس تاني يشتري بيها مخدرات، فكان ده البلاء بعينه ".
وصرخت الطفلة أمام المحكمة الأسرة بمصر الجديدة على دعوي والدها لضمها لحضانته : " أنا معرفش شكله من ١١ سنة، ودلوقتي جاي يفتكر إن ليه بنت لما لقي تاجر خليجي عاوز يشتريني، وهو هيقبض التمن، لو روحت معاه هموت نفسي، أنا من زمان اعتبرت أبويا مات، هو مبيعرفش يعمل حاجة غير ضربي وإهانتي أنا وأمي ".
