أول تعليق من زوج داليا البحيري بعد إصابته بفيروس كورونا

أثارت الفنانة داليا البحيري جدلًا كبيرًا عقب إعلان إصابة زوجها رجل الأعمال حسن سامي بفيروس كورونا المستجد ومخالطتهم له هي وأولادهم.

ومن جانبه علق رجل الأعمال حسن سامي على الأمر وكتب عبر صفحته الشخصية بموقع التواصل الاجتماعي "فيسبوك": "لقد اختبرت إيجابية Covid-19 الآن.. الحمد لله على كل شئ، حالتي كويسة جداً، دعواتكم مكونش نقلت العدوى لمراتي والولاد أهم حاجة.. اسألكم الدعاء".

وأضاف: "أرجوكم بلاش اتصال، أنا كتبت البوست علشان أى حد تعامل معايا أو حد من القريبين مني يعرف مش أكتر".

وكانت داليا البحيري أعلنت قبل ساعات عن إصابة زوجها رجل الأعمال حسن سامي بفيروس كورونا، بعد تأكيد إيجابة التحاليل للفيروس، وكتبت على صفحتها الرسمية: "أنا حبدأ بألف حمد وشكر ليك يارب، لأن أنا عارفة ومتأكدة إن إحنا عملنا اللي علينا وزيادة، حافظنا وقعدنا في البيت، وعقمنا وطهرنا".

اقرأ أيضًا: إصابة ابنة المايسترو سليم سحاب بفيروس كورونا وعزلها بالمنزل

وتابعت كلامها: "وانتقدنا اللي نزل انطلق واتفسَّح، وأنا والحمد لله راضية جدًا بقضاء ربنا سبحانه وتعالى، حسن جوزى وحبيبي طلع إيجابي كورونا فيروس، ربنا يشفيه ويعافيه يارب.. إحنا كلنا عملنا مسحات تحليل كورونا، أنا والأولاد، واللي بيساعدونا فى البيت، عشان نطمن لأننا كنا مخالطين لحسن".

واختتمت: "وبإذن الله نعرف النتيجة بليل، وربنا يجيب العواقب سليمة يارب.. أنا بقول الكلام ده عشان أى حد لازم يعمل كده، لازم يقول، وبكل وضوح عشان الناس اللي كانت مخالطة ليهم يعرفوا، ويطمنوا على نفسهم، لأن دي أمانة، والمرض مش حاجة الواحد يخجل منها".