بعد إصابة زوجها بكورونا.. داليا البحيري تكشف نتيجة مسحتها هي والأولاد
كشفت الفنانة داليا البحيري، عن نتيجة مسحة فيروس الكورونا الخاصة بها هي والأولاد، والتي كانت سلبية، وذلك بعد إصابة زوجها بالفيروس وظهور مسحته الخاصة به والتي كانت إيجابية.
وكتبت داليا البحيرى، عبر حسابها الشخصى بموقع التواصل الإجتماعي فيسبوك: "أحب أطمنكوا جميعا نتيجة المسحات طلعت وألف حمد وشكر ليك يارب كلها طلعت سلبية ليا وللولاد كلهم والمساعدين في البيت شكرا يارب علي كرمك".
وأضافت عن حالة زوجها: "احب اطمنكوا كمان إن حسن الحمد لله كويس وبيشكركم كلكم على الرسايل والتليفونات بجد حبكم لينا ومساندتكم لينا عندنا بالدنيا وأحلى نعمة من ربنا".
وتابعت: "آسفة اني ساعات مش بلحق أرد علي كل مكالماتكم أو بضطر اقفل في نص المكالمة عشان دكتور بيتصل علي الناحية التانية أو معمل أو صيدلية...بجد بشكركم علي جمال قلبكم واهتمامكم ودعواتكم لأبو علي حبيب الكل ربنا يقومه بالسلامة وبشكر كل اللي بعت رسالة عشان مقدر لبختنا...انتم جميعا فوق الراس وجوه القلب...ربنا يحفظكم جميعا من كل شر ويحفظ عائلتكم وحبايبكم".
اقرا ايضا.. أول تعليق من زوج داليا البحيري بعد إصابته بفيروس كورونا
الجدير بالذكر أن داليا البحيري أعلنت، عن إصابة زوجها رجل الأعمال حسن سامي بفيروس كورونا، بعد تأكيد إيجابية التحاليل للفيروس، وكتبت على صفحتها الرسمية: "أنا حبدأ بألف حمد وشكر ليك يارب، لأن أنا عارفة ومتأكدة إن احنا عملنا اللي علينا وزيادة، حافظنا وقعدنا في البيت، وعقمنا وطهرنا".
وتابعت كلامها: "وانتقدنا اللي نزل انطلق واتفسَّح، وأنا والحمد لله راضية جدًا بقضاء ربنا سبحانه وتعالى، حسن جوزى وحبيبي طلع إيجابي كورونا فيروس، ربنا يشفيه ويعافيه يارب.. إحنا كلنا عملنا مسحات تحليل كورونا، أنا والأولاد، واللي بيساعدونا فى البيت، عشان نطمن لأننا كنا مخالطين لحسن".
واختتمت: "وبإذن الله نعرف النتيجة بالليل، وربنا يجيب العواقب سليمة يارب.. أنا بقول الكلام ده عشان أى حد لازم يعمل كده، لازم يقول، وبكل وضوح عشان الناس اللي كانت مخالطة ليهم يعرفوا، ويطمنوا على نفسهم، لأن دي أمانة، والمرض مش حاجة الواحد يخجل منها".
