مسنون أمام محكمة الأسرة| الزوجة تطالب بالخلع والزوج: ولادي بيقولوا لعب عيال
"الخلع لا سن له"، كلمات تظهر لنا واقعة طريفة لحالة خلع تتزعمها زوجة تملك من العمر 70 عاما ضد زوجها 85 عاما، مبررة طلبها بأنها تخاف ألا تقيم حدود الله، ولا تستطيع الحياة معه .
اقرأ أيضًا: ضبط 25 فدان مزروعة بانجو في النوبارية بالبحيرة (صور)
وبدموع صارخة قالت الزوجة أمام محكمة الأسرة إنها تبلغ من العمر 70 عاما، زوجها لديه هاتف محمول بأحدث الإمكانيات، لا يتركه من يده طوال اليوم، لتكتشف أنه يحادث الفتيات عبر مواقع التواصل الإجتماعى والشات".
وأضافت الزوجة أمام محكمة الأسرة أنه لم يحمل همها يوما، طوال الوقت هى التي تنفق على المنزل "عمري ماطلبت منه فلوس، وفى النهاية يقولي اتصرفي وعيشي فى حدود معاشك".
وواصلت الزوجة أمام محكمة الأسرة: "مش هسمح لنفسي أتحمل الإنسان ده تاني، وخصوصا بعد مازصل لمرحلة المراهقة المتأخرة، ونصيحة لكل ست لازم جوزك يصرف عليكي حتي لو بتشتغلي، واللي مش قادرة تعيش تطلق ومتعتبرش للناس".
ورد الزوج على دعوى زوجته قائلا إنه يملك من العمر80 عاما، ويعمل طبيبا وزوجته مهندسة، ودائما ماتصرف على المنزل حتي أصبحت على المعاش وبدأت الخلافات تدب: "مرتبها كان كبير وبيكفيتا وهى اللي عودتني على كده، وبعدين معاشي ومعاشها الاتنين قليلين، جاية بتطلب عربية وعاوزة كل الفلوس اللى فاتت من سنين الجواز ".
وواصل الزوج أمام محكمة الأسرة: "أنا اللى قولتلها تخلعني بدام كش عاجبها عيشتي، وبعد كام يوم نفذت التهديد، واتجننت تقولى مش هكمل اللي فاضل من عمري معاك، هطلق واتجوز واحد غيرك يصرف عليا"، مطالب القاضي بسرعة الحكم بالخلع من أول جلسة نظرا لكبر سنه وأنه لايحتمل المجيء مرتين "ولادي مش مصدقين وبيقولوا لعب عيال، وأحفادي مش مقتنعين إن جدتهم هخلعني، وأنا لو مش هعرف أعيش هتحوز واحدة تشيلني الكام يوم اللي فاضلين من عمري".
