بثياب رثة وجسد هزيل.. بنت العشرين تشكو عمتها ووالديها لمحكمة الأسرة

وقفت بثياب رثة، وجسد هزيل، تسكن ملامحها الحزن والقهر، والشقاء يسكن روحها رغم صغر سنها الواضح، تطلب الرحمة بعد أن ضاع مستقبلها وسكنت الشارع، بسبب جبروت عمتها التي استغلت طفولتها وتاجرت بها، وزوجتها ثلاث مرات لرجال ضعف عمرها.

 وقالت الزوجة أمام محكمة الأسرة بروض الفرج إن عائلتها طماعة بالوراثة، فوالدها وووالدتها فضلا السفر للخليج على المكوث جنب طفلتهما "رموني لعمتي وأنا عندى 13 سنة، مقابل الأكل والشرب كانت بتذلني، وأحيانا بتسيبني لجوزها يتحرش بيا، ولما أشتكي تضربني وتقولي إن وجودي هو السبب فى دمار حياتها الزوجية".

وتابعت الزوجة أمام محكمة الأسرة أن عمتها ملت الحياة معها وقررت تزويجها لأول مشتر، وقد كان راجلا عمره 55 سنة، وأنا لسه قاصر عندى 15 سنة، ومقابل 10 آلاف جنيه، باعتني عشان أقضي معاه الأجازة اللي هيقضيها فى مصر ".

اقرأ ايضًا: الحق مشوارك| كثافات مرورية متحركة بشوارع وميادين القاهرة الكبرى

وأضافت الزوجة أمام محكمة الأسرة أنه طلقها بعد فترة ورماها دون وثيقة زواج تثبت زواجها وسط المجتمع كسيدة متزوجة "وبعد الموقف ده عمتي عرضت جسدي للبيع، وأنا مش قادرة أواجهها بسبب غياب أهلي، واتجوزت لتاني مرة من مدمن مخدرات، كان السبب فى إني أشتغل معاه، وكنت هتسجن كذا مرة وأنا عمري 17 سنة، وأطلقت ورجعتلها تاني، وفضلت تضرب فيا كل يوم وكل ساعة، وبتعذبني ونسيت إني أمانة".

وواصلت الزوجة فى دعواها أمام محكمة الأسرة "كان عندي 19 سنة، أهلى ساعتها رجعوا مصر واما عرفوا اللى حصلي رفضوا إني أعيش معاهم، وباعوا كل ممتلكاتهم فى مصر وسافروا تاني، اتنازلوا عن الجنسية وقطعوا كل علاقتهم بمصر" لتجد نفسها المسكينة بلا أهل ولا منزل تحيا به، وهنا زوجتها عمتها للمرة الثالثة لصديق زوجها كهربائي"شغال كهربائي، وبيعاقبني دايما بالسلوك بتاعته ضربا، سنة كاملة عيشتها معاه، وطلعت بابن ملوش وثيقة جواز تثبت نسبه".

 وأكملت الزوجة أمام محكمة الأسرة: "جوزي طردني من بيته ولما رجعت لعمتي قالتلي أنا اتحملت كتير من غير أهلك، ومش هعرف أتحملك بعيل كمان"، لتجد نفسها فجأة تسكن الشارع بدون ملجأ تحمل طفلا يبكي من الجوع ليل نهار.