فيديو.. جد وجدة ينهاران على الهواء لرؤية أحفادهما ويستغيثان بالسيسي

انهار "جد" و"جدة" على الهواء مباشرةً وقدّمت استغاثة عبر برنامج "حكايات شريهان" على شاشة "الحدث اليوم"، من أجل رؤية أحفادها.

وروت السيدة قصتها قائلةً: "في أول رمضان، وبعد وفاة ابني بشهر، مراته خدت والعيال وهربت بيهم من الحضانة بمساعدة أبوها.. ابني الكبير راح يجيبهم من عند أهلها رد عليه بإن أمهم خدتهم هي وجدهم".

وأضافت: "بقالي 4 سنين مشفتش ولاد أبني.. أنا اللي ربتهم مش أمهم، يعني حقي أنا أبدى من حقها هيا وحق أهلها".

وتابعت: "روحت أشوف الولاد في بيت أهلها، أبوها كان عاوز يضربني.. هل يرضي ربنا إننا ننحرم من عيالنا.. في شرع مين الكلام ده.. اليهود ميعملوش كده".

واستطردت: "أنا مش عاوزة حاجة غير إني أشوف ولاد ابني بس.. أمهم بتحرمهم من كل حاجة وأنا عاوزة أعوضهم".

فيما قال جد الأطفال: "ابني مات في حادثة في برج العرب، كان شغال في الأفراح على درامز.. لما مات عملت معاش الضمان الاجتماعي بتاع ابني باسمها غير الفلوس اللي كانت بتاخدها مني".

وأضاف: "عملت معاها اللي يرضي ربنا علشان خاطر ولاد ابني.. أرجو من الله ومن الرئيس السيسي، أنا عاوز أشوف ولاد ابني.. مش عاوز فلوس ولا شقة ولا غيره.. مشكلتي بسيطة عاوز أشوفهم بس".