زوجة أحمد فلوكس: اشتريتله البدلة ولبسته الكرافتة يوم فرحه على هنا شيحة (فيديو)
تحدثت رابية زوجة الفنان أحمد فلوكس، خلال مداخلة هاتفية مع برنامج "واحد من الناس" خلال حلول زوجها ضيفًا على البرنامج المذاع عبر شاشة الحياة عن قصة حياتها مع زوجها وانفصالهما وعودتهما مجددًا.
وقال رابية أم ابن أحمد فلوكس الوحيد: "إحنا على فكرة طول الوقت مع بعض، وكنا في ضهر بعض طول الفترة دي، إحنا كنا بنبني شخصية طفل، وإننا نربي طفل سوي، وفي قرار أخدته عشان أربي ابني بعيد عن المناضلة".
وأوضحت: "ابني لم يعرف إننا كما منفصلين غير لما أحمد اتجوز هنا شيحة عام 2018، وأحمد كان مستحيل يتجوز غير وابنه قدام عينه، كنت عايزة العلاقة دي تكمل عشان يستقر، أنا اللي اشتريت له بدلة زواجه وأنا اللي لبسته الكرافتة يوم فرحه وأنا اللي خيطتهاله، وده مش مثالية، أنا جزأت علاقتي بأحمد الصديق والزوج، كنا عاوزة أربي ابني في جو هادي، بعيد عن المشاحنات، وناس تضغط عليك".
وأكدت رابية زوجة أحمد فلوكس عدم صحة الأقاويل التي نالتهما أثناء فترة انفصالهما، ومنها أنه تعدى بالضرب عليها من قبل قائلة: "أحمد عمره ما مد إيده عليا، كتير اتكتبت شائعات عن كده، بس مكنتش بطلع أتكلم، ومحصلش وممدش إيده عليا قبل كدة".
اقرأ أيضًا: أحمد فلوكس يكشف تفاصيل تعرضه للسحر: لو مصلتش وقرأت قرآن يحدث لي هذا الأمر (فيديو)
وعن علاقتها بطليقة زوجها الفنانة هنا شيحة، قالت رابية: "علاقتي كانت بهنا جميلة وابني سيف بيحبها، ومشفناش من بعض إلا كل خير".
وأكد فلوكس خلال لقائه أن زوجته تستحق حبه واحترامه موضحًا: "إحنا ابتدينا مع بعض، لما اتجوزنا كنا قاعدين في أوضة جنب مدخل الأسانسير، في عمارة في استوديو كنت لسه ببتدي وكنا لسه حتى مش فارشينها، وهي ساندتني كتير، سابت حياتها وبلدها وجت قعدت معايا".
وتحدث فلوكس عن عودته لزوجته بعد انفصاله عنها بعد زواج دام 12 عامًا، موضحًا أنه انفصل عنها بسبب قلة الخبرة، ومنذ وفاة والدته لا توجد خبرة لديه فى الحياة الزوجية وأيضا بسبب صغر سنه، وعن رجوعه لها، كشف: "لم أجد أحد يحبني بجد إلا زوجتي الأولى، مضيفا: "زوجتي الأولى وافقت على زواجي مرتين ومنهم مرة لبستني البدلة.. ومريت بتجربة صعة جدا في حياتي وعرفت قيمة الناس"
