بعد اعتذاره.. تامر حسين: ”هو ده رامى صبرى اللى أنا أعرفه”
رد الشاعر تامر حسين، على اعتذار الفنان رامي صبري منه ومن الملحن عزيز الشافعي واعترافه بالحقيقة وعدم تنازلهم له عن أغنية "شكرا"، ثم إعطائها بعد ذلك للنجم عمرو دياب.
ونشر تامر حسين، منشور رامي صبري، عبر حسابه الشخصي بموقع التواصل الاجتماعي فيسبوك، وعلق قائلا: "هو ده رامى صبرى اللى أنا أعرفه، كان يهمنى توضيح الحقيقة للجمهور المحترم اللى البعض منه تخيل إننا ممكن نعمل تنازل ل أى فنان أو ناخد مُقابل وندي الأغنية لمطرب أخر وكنت حزين ومأذى نفسياً من الموضوع ده"
وتابع: "حقك عليا لو إتكلمت فى البرامج ب حدة شوية فى الكلام أو اتكلمت بلهجة مش لهجتى معاك ولا مع أى زميل بس ده من زعلى إنك ماوضحتش كل ده ببوست وتبرء ذمتنا وسمعتنا وإحنا فعلاً داخلين على أيام مُفترجة وفكل البرامج قلت إنك أهم صوت فى جيلك ما أنكرتهاش وربنا يوفقك ويكرمك ويبعد عن الجميع أى خلافات ومشاكل عايزين نفن ونسعد الناس المحترمة اللى بتثق فى ذوقنا فنياً ونستغل الوقت فى النجاح وبس
مش مستاهله خصام وزعل الناس بتموت وحصل خير،وأسرتك الكريمة فوق راسى ومالهمش علاقة بمشاكلنا اللى أنت بتورطنا فيها أون لاين، حبيبى يا رامي".
إعتذار رامي صبري
وكان الفنان رامي صبري، كتب في منشور له عبر خاصية الأستوري بموقع "إنستجرام": "إحقاقا للحق وكل واحد ياخد حقه أغنية شكرا للفنان الكبير عمرو دياب أنا فعلا كنت شغال فيها لكن الأغنية مش ملكي قانوني يعني ماحدش خد مني حقوق أو مقابل مالي أو اخدت تنازل رسمي".
اقرأ أيضًا: عادل أدهم الشيطان الراقص.. زوجته هربت منه وابنه رفض الاعتراف به وأنور وجدي صدمه
وتابع: "علشان بس أبرء تامر حسين وعزيز الشافعي من الحتة دي، عزيز الشافعي إنت ملحن كبير ونجحنا سوا ماتزعلش من كلمة اتقالت في زعل واحنا داخلين على أيام مفترجة وشكلنا خدنا عين ومن ساعة ما لحنت وكتبت "حياتي مش تمام" واحنا مش تمام".
