”لم أرى والدي لمدة 16 سنة”.. نيرمين الفقي تكشف أسرار حياتها وتفاصيل ارتباطها (فيديو)
حلت الفنانة نيرمين الفقي ضيفة الإعلامية منى الشاذلي في برنامجها "معكم" المذاع عبر شاشة قناة CBC الفضائية، وكشفت الفنانة العديد من أسرارها وكواليس أعمالها خلال الحلقة.
أوضحت الفنانة نيرمين الفقي في تصريحاتها التلفزيونية أنها لم ترى والدها لمدة 16 سنة حيث كان مهاجر خارج مصر، وعلقت: "مكنش بيجي مصر خالص لكن كان عندي بدل الأب 4 وزوج خالتي كان الخامس".
وأضافت: "عمري ما حسسوني محتاجة حاجة، وعلى قد ما يقدروا كانوا بيحاولوا يعوضوني.. بس طبعًا مفيش حاجة تعوض الأب خاصة لو عايش في الحياة.. سن الـ 16 سنة كان فيصل بالنسبالي لأن ده كان بداية تعب أمي ومرضها".
وكشفت تفاصيل مرض والدتها وقالت: "كان عندها ورم في المخ وكان لازم تسافر وتعمل عملية، فكنت لازم أروح وأقعد عند بيت عمتي، وده سبب لي تخوف، لأن هشوف عائلة والدي لأول مرة.. وكان بالنسبة لي إحساس صعب".
وتابعت: "لما قعدت مع عمتي كذا يوم محستش في ثانية أنها بعيدة عني، كانت تجنن وأونكل محمد كان دكتور في كلية الهندسة، وكان بيقعد يذاكرلي.. وأول مرة أشوف فيها والدي وأنا عندي 16 سنة، أمي كانت بتعمل عملية وهو جيه من بلجيكا، ودي حاجة يمكن مقولتهاش قبل كدة خالص".
وأستكملت نيرمين الفقي: "مشاعري لما شوفته في الأول غريبة والزعل كان لا جدال فيه، وده جوايا، بس ربنا يديله الصحة وطولة العمر، وآخر كام سنة بقى بينا حب والعطاء".
وعن علاقتها بالسوشيال ميديا، قالت: "دخلتها مؤخرًا وحسيت إن التواصل مع الناس حاجة لطيفة بس لازم اتباع الحذر لأن ممكن حد يقول كلمة مش كويسة.. وتلقيت أغنية للمطربة نجاة الصغيرة من معجب وبدأ الإعجاب من طرف واحد ولكنه إنسان محترم ورديت عليه وشكرته"، مشيرة إلى أن الإعجاب حاليًا متبادل.
اقرأ أيضًا: ”والدي تزوج على أمي بسببي”.. أسرار صادمة تكشفها إلهام شاهين لأول مرة
وحول علاقتها العاطفية والزواج في حياتها، قالت: "أول عريس اتقدملي كان ابن الجيران ووالدتي رفضته عشان كنت لسه صغيرة، بس هو كان من عائلة محترمة في الإسكندرية، وآخر عريس رفضته فبعتله ردي في رسالة وقلتله آسفة مش هاقدر أرتبط بيك".
وكشفت الفنانة أيضًا خلال حوارها التلفزيوني عن عمرها الحقيقي فهي 48 عامًا، ووزنها الآن 72 كيلو، وطولها 168.
