محمد رحيم يهاجم عمرو مصطفى: ”الزم حدودك.. وكفاية غلط في الناس”
وجه الملحن محمد رحيم، رسالة قوية للملحن عمرو مصطفى بعد تصريحاته في برنامج "العرافه" مع الإعلامية بسمة وهبة.
وكتب رحيم، عبر حسابه الشخصي بموقع التواصل الاجتماعي "فيسبوك": "صديقي عمرو مصطفى شاهدت حلقتك في برنامج العرافة للإعلامية بسمة وهبة، وكان ليا تعليق الحقيقة، شوف يا عمرو أنا ميهمنيش أبدا إنك تبقى عايش في كدبة كبيرة ومصدقها".
وتابع: "لكن يهمني إنك متفرضش الكدبة دي على الناس وتحاول تقنع بيها بعض شرائح الجمهور البسيط اللى ميعرفش حاجات كتير عن أسرار وخبايا المهنة بتاعتنا البلد مليانة مبدعين وعلى أعلى مستوى من الموهبة والدراسة والإبداع وكل واحد ليه مدرسته وليه تجاربه اللى لازم تحترم وكل واحد شق طريقه بنفسه وبذل مجهود لا يستهان به، فأنت مش من حقك تقلل من حد ولا تحط نفسك فوق حد ولا تغلط في حد من أبناء مهنتك المبدعين اللى كلهم ناجحين سواء مطربين أو ملحنين".
اقرأ أيضا: الحلقة 20| منى زكي تختار بين الشيخ مؤنس وحازم في ”لعبة نيوتن”
وأضاف: "اشتغل وأنت ساكت والزم حدودك انت مش أكتر من ترس في عجلة جوة مصنع جوة مدينة جوة بلد كاملة اسمها بلد الإبداع والفن والحضاره وهوليوود الشرق مصر، وأنا كل ما أبدأ معاك صفحة جديدة ترجع تخون الصداقة والعيش والملح وتفاجئني بما هو أفدح من كل مره قبل كده كتير كنت بسكت وبقول مفيش داعي نكبر الموضوع المرادي انت بجد زودتها أوي كفاية غلط في الناس كفاية سخرية من مجهود الناس كفاية تعدي على كل الناس اللى شقيت وحفرت في الصخر علشان تكون أساميها وأنا كنت أتمنى الرد ده أسمعه من السيد نقيب الموسيقين الفنان هاني شاكر اأو رئيس جمعية المؤلفين والملحنين د/مدحت العدل ولكن كلهم سمعوا إهانة الناس وسكتوا، ورمضان كريم".
