أمير طعيمة يوجه رسالة قوية عن تحريم الفن
وجه الشاعر الغنائي أمير طعيمة، رسالة قوية عن تحريم الفن، بعد الجدل الذي أثارته الفنانة حلا شيحة وأزمتها مع النجم تامر حسني.
وكتب أمير طعيمة، عبر حسابه الشخصي بموقع التواصل الاجتماعي فيسبوك: "أي إنسان و منهم الفنان من حقه يحط لنفسه الخطوط الحمراء اللي تتناسب مع قناعاته، بس مش من حقه يفرض الخطوط دي علي غيره و يتهم من يتخطاها بقلة الدين".
وأضاف: "مشكلتنا إن كل واحد سواء صح أو غلط عايز كل الناس تبقي نسخة منه و ده مش منطقي و لا هيحصل، معضلة الفن الحلال والفن الحرام دي نوع من العبثية مش عشان مفيش حلال وحرام بس عشان الموضوع نسبي، ده انت لو عامل مسلسل ديني فيه فئة هتشوف انه حرام لمجرد إن فيه موسيقي تصويرية مثلا، و لو مفيهوش فيه فئة تانية هتشوفه حرام لمجرد ان فيه نساء في العمل حتي لو محجبات، و هتفضل تتمرجح كده لحد ما هتوصل لفئة شايفة ان جهاز التلفزيون في حد ذاته حرام".
اقرأ أيضًا: نجلاء بدر تطل على جمهورها مع الهضبة.. وتعلق: ”عمرو دياب في حتة تانية”
وأختتمت: "في النهاية اعمل اللي يتناسب مع قناعاتك و ما تحطش لغيرك خطوطك الحمراء كأساس تقيمه علي اساسها، احساسك في لحظة بالايمان مش معناه اصلا ان ده الايمان الحقيقي و لا معناه ان غيرك أقل ايمانا و في النهاية الكلمة الحلوة و الحفاظ علي العيش و الملح و العشرة دول برضه من الايمان".
