«أبهرني».. محمد ممدوح يشيد بمسلسل «وش وضهر»
أشاد الفنان محمد ممدوح، بمسلسل "وش وضهر"، الذي شارك فيه وتم عرضه مؤخرا على إحدى المنصات الإلكترونية.
وكتب محمد ممدوح، عبر حسابه الشخصي بموقع التواصل الاجتماعي فيسبوك: "اللي عارفني عارف إن مش من عادتي أتفرج على عمل فني، أنا شاركت فيه بس مسلسل وش وضهر أبهرني وعرفت بالصدفة اني مشارك في عمل بالعظمة والجمال ده، عشان كدا ده ممكن يخلي شهادتي في الموضوع ده مجروحة شوية للأسف بس هقولها برضه".
وتابع: "مش عارف الصراحة أوصف العظمة اللي عملتها مريم أبو عوف إزاي.. ده غير أنها من الناس اللي ساهمت بعد ربنا في وجودي في الوسط الفني طبعا من خلال دعمها الكبير وايمانها بيا في واحد من اهم الاعمال اللي شاركت فيها في حياتي فيلم بيبو وبشير".
واستكمل: "شكرا يا مريم على مسلسل وش وضهر، شكرا إياد نصار وريهام عبد الغفور على الأتقان الاستثنائي للأدوار٫ شكرا ثراء جبيل وإسلام إبراهيم وشريف دسوقي وفدوى عابد ومحمود قابيل، الناس كلها في المسلسل ده خطيرة وشاطرة بشكل مش طبيعي حتى الشباب اللي داخل يعمل أدوار صغيرة كلهم شاطرين جدا".
اقرأ أيضًا .. بعد نجاح ”أدرينالين”.. محمد حماقي يطرح ”قلبي حبك جدًا” غدًا
وأضاف: "عايز أشكر كمان مديرين التصوير نانسي وجبر الصورة مش طبيعية يا جماعة وريم العدل عاملة ملحمة حقيقة بلبس وستايل الشخصيات، شكرا عبدالله أبو الفتوح وأحمد يوسف ومحمد سيد، شكرا فريق العمل بالكامل ورا وقدام الكاميرا على العمل الاستثنائي ده وشكرا ورشة سرد ومريم ناعوم وانصحكم تشوفوا العمل ده بجد مش تسويق ولا حاجة".
