أسما شريف منير عن دلال عبد العزيز: كانت زوجة وأم عظيمة وصاحبة واجب
أعربت المذيعة أسما شريف منير عن حزنها الشديد على رحيل الفنانة دلال عبد العزيز وكشفت عن ذكرياتها معها، خلال استضافتها في برنامج "أنا وبنتي" الذي قدمته مع والدها الفنان شريف منير.
وشاركت أسما شريف منير جمهورها ومتابيعها صورًا من كواليس تصوير الحلقة، ظهرت خلالها مع والدها وبرفقة دلال عبد العزيز وميرفت أمين ضيفتي البرنامج.
اقرأ أيضا: مي حلمي: ”هقول مرتبطة بمين لما فستان الفرح يخلص”
وقالت المذيعة الشابة: "في الحلقة دي اتعلمت حاجات كتير عن الصداقة، الله يرحمها كانت صديقة بمعنى الكلمة، وعرفت عنها قد أيه هى صاحبة واجب، مفيش عزاء مكنتش فيه، وعشان كده عزاءها كان مليان بناس بتدعيلها و بتحبها بجد مش واجب و خلاص".
وتابعت أسما: "سيرتها طيبة و ده واضح جداً للكل، بناتها شبهها طيبين، كانت زوجة وأم عظيمة وست جميلة وكل الناس بتحبها، وده كلنا عرفناه من كل الفيديوهات وكلام كل الناس عنها، كلنا هنمشي دي الحقيقية الوحيدة، لازم نفكر هنسيب أيه لما نمشي أو إزاي ممكن الواحد يسيب سيرة طيبة عشان الناس تدعيله".
ودعت أسما شريف للفنانة دلال عبد العزيز: "اللهم أرحم تلك النفس الطيبة التي فارقت الدنيا وأنتقلت إلى جوارك اللهم اجعلها في الفردوس الأعلى من الجنة. ربنا يصبر الاهل كلهم لانه وجع رهيب ووقت قصير، اختبار بجد صعب، ربنا يجبر بخاطرهم".
