غادة رجب عن فيلم ”200 جنيه”: ”بيفضل عايش جواك ومعاك”
أشادت الفنانة غادة رجب، بفيلم "200 جنيه"، وجميع صناع العمل، على رأسهم النجمة القديرة إسعاد يونس.
وكتبت غادة رجب، عبر حسابها الشخصي بموقع التواصل الاجتماعي فيسبوك: "فيلم 200 جنية، من أجمل وأروع الأفلام اللي شوفتها من فتره طويله، كم النماذج اللي موجوده في المجتمع، وكم الحالات الانسانيه اللي بتشوفها في الفيلم بتخليك تخرج مشحون".
وتابعت: "الفيلم مش بينتهي بمجرد الخروج من السينما، لا، ده بيفضل عايش معاك وجواك، من الأفلام اللي حتبقي في التاريخ، كل صناع الفيلم ابدعوا، أما عن اخر مشهد للفنانه الكبيره إسعاد يونس، ف حقيقي مفيش تعبير يوصف جمالها وابداعها والاهم احساسها".
واستكملت بكتابة كلمات أغنية الفيلم لزوجها الشاعر عبد الله حسن، قائلة: كل واحد في اللي فيه
ناس حياتها 200 جنيه
ناس تاخدها عشان تعيش
وناس تسيبها لناس بقشيش
والمركب اللي فيها لله مش بتغرق
اللي همه نفسه واللي
دماغه سايقاه في الشمال
واللي أقنع نفسه انه
الحرام زي الحلال
كان زمان يكسف يعر
النهاردة بقاله سعر
حط رجله على رجله
وللأسف بقى ليه مجال
واللي ساكت رغم حاجته
عارف ان الإيد قصيرة
واللي عزة نفسه غالبة
رغم إن العين بصيرة
اللي تلاقيه وقت زنقة
واللي عنده الشدة فارقة
واللي عمل الخير وسابه
في الدّرا وما جبش سيرة
اقرأ أيضًا: سهر الصايغ تعرف بزواج خطيبها في الحلقة الأخيرة من حكاية ”بيت عز”
واللي شايفك بس برة
وفاكر إنك هَيلمان
نفسه لو يوم يبقى زيك
نفسه لو أكتر كمان
مين هيحكم عاللي حيلته
كل واحد عنده شيلته
واللي جوَّا كل واحد
فينا عكس اللي بان
دنيا ماشية ودايرة دايرة
والحساب من النفوس
ناس عشان تطلع تنزّل
ناس وفوق منها تدوس
كل شيئ وليه تمن
دفع كاش ومقدما
الحقيقة انه أرخص
جاحة في الدنيا الفلوس
