”إيساف” يدعم هاني شاكر ويطالب نجيب ساويرس بالاعتذار
وجه النجم إيساف رسالة دعم لأمير الغناء العربي هاني شاكر، وطالب رجل الأعمال نجيب ساويرس بالاعتذار للنقيب بعد تصريحاته الهجوميه ودفاعه عن مطربي المهرجانات.
ونشر إيساف، صورة للنقيب هاني شاكر عبر حسابه الشخصي بموقع التواصل الاجتماعي فيسبوك، وعلق قائلا: "أنا شايف ثورة فنية بتحصل على العبث والتدني الفني اللي بقالنا كتير فيه وكل الدعم للنجم الكبير حرفيا هاني شاكر".
وأضاف: "المهندس نجيب ساويرس مع حبي ليك لكن أنا ضدك تماما ويتوجب عليك الاعتذار في كل كلمه قلتها، أولا في حق الرمز وأمير الغناء العربي اللي ضاف للفن كتير علي طول مسيرته الفنيه وثانيا ضدك في دفاعك العنيف عن الغلط البين ودفاعك عن إفساد الذوق العام ولو علي الأرزاق مثلا المخدرات حرام شرعًا ممنوعة قانونًا نسيبهم بقي ونقول ده رزقهم مع أن تصدق المخدرات أهون من أغلب المهرجات المسفة".
اقرأ أيضًا: مستشار ”الموسيقيين” لـ ”الطريق”: حسن أبو الروس غنى مرتين بالفلاشة والتحقيق معه غدا
واستكمل: "على الأقل مش هنشوف طفل بيشرب ولا مضروب بالمخدرات لكن بنشوف أطفال 3 سنين ومضروبة ياعيني بأغلب المهرجانات المسفة، مابوظش الفن في مصر إلا الكلمة الحقيرة اللي اسمها ترند دي بقي بعض من يملك وكل من لا يملك موهبة يلهث وراها، أستاذ هاني شاكر رب ضارة نافعة اللي عمله المهندس نجيب ساويرس قوي موقفك أكتر بكتير وكلنا شايفين إزاي الناس كلها معاك وتدعمك".
