«إنتوا عاملين من الحبة قبة».. محمد التاجي يعلق على لقاء أحمد العوضي وياسمين عبد العزيز (فيديو)
انتشر مقطع فيديو للفنان محمد التاجي عبر مواقع التواصل الاجتماعي، علق فيه على ردود فعل المشاهدين بعد ظهور الفنانة ياسمين عبد العزيز وزوجها الفنان أحمد العوضي على شاشة CBC في برنامج "معكم منى الشاذلي".
وقال محمد التاجي: "حمدًا لله على سلامتك يا ياسمين.. أنا مش هتكلم أكتر من كده، وأحمد العوضي عمل إيه عشان البنات يعيشوا في محنو، إيه يعني إنه واقف جمبها، هو إحنا بنتجوز عشان نسيبهم ونقعد في حتة تانية، مش فيه عقد؟ يبقى غصب عنه لازم يقف جمب مراته، وهو لو جرى له حاجة هي غصب عنها لازم تقف جمبه، أنا شايف إن فيه شذوذ في الموضوع".
اقرأ أيضًا.. محمد حماقي يشعل حماس جمهوره في حفل غنائي بدبى .. فيديو
وتابع محمد التاجي: "إنتوا عاملين من الحبة قبة، زي طلاق شيرين كده، لازم الراجل يقف جمب مراته في أى مِحنة من محنها، وكل واحد بيشيل شيلته".
وأكمل التاجي حديثه: "لكن ياسمين هي اللي صعبت عليا، اللي اتعمل فيها، أنا ما شوفتش لما كانت مع منى الشاذلي، لكن شفت الـ7 شهور، ووائل أخوها صديقي حتى على الصفحة، وكنت ببعت لها دعمي عن طريقه، يعني ما أحبتش أعمل البروباجندا، وأكتب أنا واقف جمبك والكلام اللي بيحصل دا".
