بعد تعرضها للتحرش.. كارولين عزمي: حقي رجعلي ومش هتنازل ليكون عبره لغيره
كشفت الفنانة كارولين عزمي عن إلقاء القبض على المتحرش بها، وذلك عبر حسابها على موقع تبادل الصور والفيديوهات "انستجرام".
وكتبت كارولين: "الحمد لله حقي رجعلي عايزة أشكر وزارة الداخلية والنيابة العامة على سرعة الاستجابة ووقفتهم وشكرا انكم مسكتوا الشخص دة في نفس اليوم".
كما وجهت رسالة للفتيات: "أحب أقول لكل البنات أي موقف تتعرضيله أوعى تسكتي واجهي ومتخافيش وحقك هيجيلك احنا بلد فيها قانون"، مضيفة: "مع احترامي لزوجته وأولاده بس أنا مش هتنازل واتمنى يكون درس ليه وعبره لغيره".
وكانت الفنانة كارولين عزمي كشفت التفاصيل الكاملة لتعرضها لحادث تحرش داخل سيارتها، ووثقت تفاصيل الحادث، عبر مقطعي فيديو، وطالبت بحقها القانوني.
وشاركت كارولين عزمي جمهورها ومتابعيها، بمقطعين فيديو من الحادث عبر حسابها الشخصي بموقع تبادل الصور والفيديوهات الشهير إنستجرام، وعلقت قائلة: "مساء الخير، أنا اللي يعرفنى أو متابعنى عارف أني شخص مالوش فى المشاكل، ولا عمري شاركت مشكله تخصنى سوشيال ميديا".
وتابعت: "النهاردة كنت فى عربيتي وجنبي عربية فيها واحد كسر عليا كل اللي عملته إنى بصيت له وبصيت قدامي، فلقيته بيكرر نفس الحركة تانى باستظراف، روحت طلعت الموبايل وعملت نفسي بصور عشان اخوفه واخليه يبطل يضايقنى، اتفاجأت وهو بيقول لى بتصوريني يا بنت لفظ خادش".
واستكملت: "ساعتها اتخضيت وبدأت أصور بجد وأنتم هتشوفوا في الفيديو الحركات اللي بإيده والشتايم، وبدأ يقول لي تعالي ورايا، والحقيقة إني مش عارفة أروح وراه فين أو كان عايز يعمل ايه، ولأني اتوترت وخفت ساعتها ما قدرتش أصور 1% من اللي عمله الشخص دا".
اقرأ أيضًا: عاجل | طلاق أحمد الفيشاوي وزوجته ندى الكامل رسميًا
واختتمت: "أنا اتشمت واتهنت واتشمت بأهلي بأقذر الشتايم النهاردة من حد معرفوش ولا عملت له حاجة، ولا فتحت بوقي لمجرد إنه شخص مريض!، أكيد الشخص دا أذى بنات كتير لإنه تقريبا متعود على الحركات دى، ومتعود يخوفهم ومش همه حتى إنه يتصور ويتفضح، أنا عايزة حقي يرجع لي".
